Беларуская і расійская чыгункі пашыраюць сферу выкарыстання спецыяльных тарыфаў на перавозку пасажыраў асобнымі цягнікамі ў зносінах Беларусь — Расія.
З пачатку месяца такія спецыяльныя тарыфы дзейнічаюць у міжнародных пасажырскіх цягніках: № 56/55 Гомель — Магілёў — Масква, № 58/57 Гродна — Санкт-Пецярбург, № 64/63 Мінск — Новасібірск, № 66/65 Мінск — Мурманск, № 68/67 Брэст — Саратаў, № 76/75 Брэст — Масква, № 83/84 Гомель — Санкт-Пецярбург, № 132/131 Брэст — Масква, № 134/133 Мінск — Архангельск, № 302/301 Мінск — Адлер, № 390/389 Мінск — Анапа, № 446/445 Мінск — Мінеральныя Воды.
Пры набыцці білетаў на вышэйназваныя цягнікі ў залежнасці ад тэрмінаў продажу да агульнага кошту праезду ў вагонах усіх тыпаў, за выключэннем агульных, устанаўліваецца: 15-працэнтная зніжка — пры ўмове продажу праязных дакументаў у перыяд ад 60 да 31 сутак да адпраўлення цягніка; 10-працэнтная зніжка — пры ўмове продажу ў перыяд ад 30 да 21 сутак да адпраўлення цягніка. Вышэйзгаданыя тарыфныя ўмовы прымяняюцца пры праездзе ў міжнародных зносінах паміж Беларуссю і Расіяй і не дзейнічаюць пры афармленні праязных дакументаў у межах Беларусі, а таксама пры перавозцы арганізаваных груп пасажыраў.
Сяргей РАСОЛЬКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.