Вы тут

Грып не пройдзе...


Сёлета прышчапіць бясплатна ад грыпу плануецца каля 780 тысяч жыхароў сталіцы — каля 40 працэнтаў гараджан. За кошт сродкаў рэспубліканскага і мясцовага бюджэтаў у Мінску прышчапляюць вакцынай кітайскай вытворчасці «Флюваксін»: яна выкарыстоўваецца ў нашай краіне на працягу чатырох гадоў і даказала сваю эфектыўнасць і бяспечнасць.

Бясплатна прышчэпку могуць зрабіць людзі з высокай рызыкай развіцця цяжкіх процігрыпозных ускладненняў (хранічнымі захворваннямі сардэчна-сасудзістай, дыхальнай і эндакрыннай сістэм і асобы ва ўзросце за 65 гадоў), а таксама грамадзяне, якія маюць высокую рызыку інфіцыравання грыпам: дзеці, медыцынскія работнікі, супрацоўнікі МНС, МУС і іншыя.

Па словах загадчыцы эпідэміялагічнага аддзялення Мінскага гарадскога цэнтра гігіены і эпідэміялогіі Ірыны Глінскай, чакаецца, што ў гэтым эпідсезоне ў Беларусі будуць цыркуляваць два варыянты віруса грыпу, з улікам якіх быў зменены састаў вакцын. Таму ў гэтым годзе асабліва актуальна сфарміраваць ахову супраць захворвання з дапамогай прышчэпкі. Спецыялісты раяць паклапаціцца пра прышчэпку і тым, каму не даводзіцца разлічваць на бясплатную вакцынацыю. Кошт платнай прышчэпкі вар'іруецца ў медустановах ад 65 да 150 тысяч рублёў.

Надзея НІКАЛАЕВА.

Выбар рэдакцыі

Грамадства

Прадпрымальнікі запусцілі сацыяльную ініцыятыву, каб сэканоміць сродкі бюджэту, але вымушаны за гэта плаціць

Прадпрымальнікі запусцілі сацыяльную ініцыятыву, каб сэканоміць сродкі бюджэту, але вымушаны за гэта плаціць

На ўпарадкаванне пасля прыклееных паперак выдаткоўваюцца велізарныя сродкі.