На 3-м Дагестанскім кніжным кірмашы «Таркі-Тау 2014» у Махачкале дыпломам адзначана кніга «Апошні прытулак салдата», што выйшла сёлета ў Выдавецкім доме «Звязда».
— Кніжны кірмаш, заснаваны міністэрствамі культуры і друку і інфармацыі Рэспублікі Дагестан, Нацыянальнай бібліятэкай Дагестана, Дагестанскім філіялам Расійскага фонду культуры, — расказвае рэдактар аддзела часопіса «Полымя» Рагнед Малахоўскі, — праходзіць трэці год запар. Удзельнічаюць у выставе ў асноўным выдаўцы з рэгіёнаў Расіі, блізкіх да Паўночнага Каўказа. Але былі і госці з Грузіі, Ірана, ЗША. Вельмі шмат сучасных акцый праводзяць арганізатары — і флэшмоб, і розныя літаратурныя марафоны. Галоўная мэта — паспрыяць скарачэнню дарогі кнігі, рукапісу ад пісьменніка да выдаўца, бібліятэкара, літаратурнага крытыка, чытача. Праводзілася шмат сустрэч з пісьменнікамі Санкт-Пецярбурга і Масквы. Каўказскі дом перакладчыка, які ўзначальвае Марат Гаджыеў, адну з творчых імпрэз прысвяціў грузінскай і беларускай паэзіі. Уразіў і паэтычны гадэкан (спаборніцтва ў творчым самавыяўленні) «Салам, Махачкала». Мне пашчасціла прачытаць у час гэтага сапраўднага свята вершы на беларускай мове.
Выдавецкі дом «Звязда» быў прадстаўлены на кірмашы многімі цікавымі навінкамі. Найперш — кніжнай серыяй «Сугучча сэрцаў», альманахам «Сугучча», кнігай «Апошні прытулак салдата». Мартыралог пахаванняў Першай сусветнай вайны і атрымаў дыплом кірмашу «Таркі-Тау 2014». А яшчэ падпісана пагадненне аб творчым супрацоўніцтве паміж Каўказскім домам перакладу і Выдавецкім домам «Звязда».
Мікола Берлеж
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
