Аб дзяржаўнай падтрымцы сям'яў з дзецьмі
Сёння сем'ям, якія выхоўваюць дзяцей, у адпаведнасці з заканадаўствам прызначаецца 10 відаў дзяржаўных дапамог. Усяго сістэмай дзяржаўных дапамог ахоплена больш за 370 тысяч дзяцей (або 21,1% ад іх агульнай колькасці).
Памер дапамогі ў сувязі з нараджэннем дзіцяці на 1 жніўня складае:
- пры нараджэнні першага дзіцяці (10 БПМ) — 13 434 200 рублёў,
- пры нараджэнні другога і наступных дзяцей (14 БПМ) — 18 807 900 рублёў.
Памер дапамогі па доглядзе дзіцяці да 3 гадоў
Увязаны з велічынёй сярэднямесячнай заработнай платы работнікаў у рэспубліцы і з 1 жніўня складае:
- на першае дзіця ў сям'і (35%) — 2 111 900 рублёў;
- на другое і наступных дзяцей (40%) — 2 413 550 рублёў.
Памер дапамогі на дзяцей, старэйшых за 3 гады, з асобных катэгорый сем'яў
- на дзіця-інваліда ва ўзросце ад 3 да 18 гадоў (70% БПМ) — 940 400 рублёў;
- на іншых дзяцей, старэйшых за 3 гады (50% БПМ) — 671 700 рублёў.
* * *
Сем'і з нізкім узроўнем даходу маюць права на дзяржаўную адрасную сацыяльную дапамогу. У першым паўгоддзі гэтага года колькасць атрымальнікаў ДАСД склала 108.252 чалавекі, з іх сем'яў з непаўналетнімі дзецьмі 9 394 (32 195 чалавек).
Для забеспячэння збалансаваным харчаваннем дзяцей ранняга ўзросту ў малазабяспечаных сем'ях у рамках адраснай сацыяльнай дапамогі прадастаўляецца бясплатнае харчаванне дзецям першых двух гадоў жыцця, прычым пры нараджэнні двайнят і больш дзяцей гэты від адраснай дапамогі прадастаўляецца незалежна ад даходаў сям'і. Бясплатнымі прадуктамі харчавання сёлета ў першым паўгоддзі былі забяспечаны 22 700 дзяцей ва ўзросце да 2 гадоў, або 9,1% ад колькасці дзяцей гэтага ўзросту.
* * *
У рамках рэалізацыі праграм сацыяльнага абслугоўвання пэўных катэгорый сем'яў бясплатна прадастаўляюцца паслугі пагадзіннага дзённага догляду за дзецьмі (паслугі няні). У прыватнасці, паслугамі няні могуць скарыстацца сем'і пры нараджэнні двайнят і больш дзяцей да наступлення 3-гадовага ўзросту. Няпоўным сем'ям, якія выхоўваюць дзіця-інваліда, і сем'ям, якія выхоўваюць дваіх і больш дзяцей-інвалідаў, паслугі няні прадастаўляюцца да дасягнення дзецьмі ўзросту 4 гадоў.
У першым паўгоддзі 2014 года паслугамі 412 нянь скарысталіся 629 сем'яў.
Падрыхтавала Святлана Бусько
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».