У Ашмянскім раёне адкрыўся шахматна-шашачны клуб для грамадзян пажылога ўзросту і інвалідаў. Аб гэтым паклапаціліся работнікі раённага тэрытарыяльнага цэнтра сацыяльнага абслугоўвання насельніцтва сумесна з Беларускім таварыствам Чырвонага Крыжа ў рамках праекта «Пашырэнне магчымасцяў пажылых людзей у прыняцці рашэнняў па пытаннях іх паўнацэннага ўдзелу ў жыцці грамадства». Для клуба набылі неабходнае абсталяванне і інвентар, спонсары дапамаглі купіць тэнт-шацёр, стол, крэслы, шахматы і шашкі, прызы для гульцоў. Першы турнір адбыўся на базе аддзялення кругласутачнага знаходжання для грамадзян пажылога ўзросту і інвалідаў у аграгарадку Жупраны. Дарэчы, разам з «салодкім сталом» і канцэртам, удзельнікамі якога сталі самадзейныя артысты мясцовага Дома культуры.
Барыс ПРАКОПЧЫК.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».