Жанчыны з дзецьмі, якія перажылі сямейную трагедыю, пацярпелі ад гвалту і маюць тэрміновую патрэбу ў часовым жыллёвым прыстанішчы, могуць скарыстацца «крызісным» пакоем у вёсцы Рыбніца Гродзенскага раёна.
Пад яго адведзена адно з памяшканняў у будынку былой васьмігадовай школы, дзе цяпер размяшчаецца цэнтр турызму і краязнаўства са спартыўнай залай і трэнажорамі. Пакой абсталяваны сучаснай мэбляй, ёсць умовы не толькі для адпачынку і гатавання ежы, але і гульнявы куток для малых (шмат цацак, кніг), рабочае месца для школьніка. Цэнтрам сацыяльнага абслугоўвання насельніцтва Гродзенскага раёна сумесна з райаддзелам міліцыі прадумана і сістэма бяспекі знаходжання тут пацярпелых ад гвалту ў сям'і.
Усё гэта зроблена, дарэчы, не за бюджэтныя сродкі, а дзякуючы спонсарам, сярод якіх сельскагаспадарчы кааператыў «Свіслач», ААТ «Мэблябудканструкцыя», ТАА «Еўрагандаль», прадпрыемства «ЗОВ», грамадскае аб'яднанне «Белая Русь», абласная арганізацыя Беларускага таварыства Чырвонага Крыжа.
Барыс ПРАКОПЧЫК.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
