На пачатку тыдня кіраўнік дзяржавы Аляксандр Лукашэнка правёў нараду па пытаннях занятасці і міграцыі ў Беларусі. На ёй чарговы раз прагучала даволі злабадзённая для грамадства тэма: як прымусіць працаваць і плаціць падаткі ў бюджэт тых людзей, якія ў эканоміцы не задзейнічаны, аднак пры гэтым не адмаўляюцца ад дзяржаўных даброт? Асобна Аляксандр Лукашэнка закрануў і тэму працаўладкавання гэтак званых «абавязаных асоб»…
Усё гэта знайшло працяг на шматлікіх інтэрнэт-пляцоўках. Не стаў выключэннем і сайт «Звязды». Вось якія прапановы агучылі нашы чытачы:
@Валер
Лічу, што праблему атрымання медыцынскай дапамогі тымі, хто не плаціць падаткі ў беларускі бюджэт, вырашыць вельмі проста. У кожнага чалавека зараз ёсць картка сацыяльнага страхавання. Трэба абавязаць людзей насіць яе кожны раз у паліклініку і правяраць перад выдачай амбулаторнай карты. І калі высветліцца, што чалавек пэўны перыяд (скажам, год ці паўтара) нідзе на тэрыторыі Беларусі не працуе і падаткаў, адпаведна, не плаціць, значыць, дапамогу яму можна аказаць толькі экстранную, калі стаіць пытанне жыцця і смерці. Выключэнне трэба зрабіць для дзяцей, студэнтаў і пенсіянераў — тых, хто працаваць не можа. Так, на мой погляд, будзе больш справядліва.
@Люцік
Трэба не толькі браць, але і аддаваць — такі закон жыцця. Ёсць рацыя ў тым, што ўсе роўныя, таму кожны павінен плаціць падаткі і прыносіць карысць грамадству.
@Ася
Так званыя «абавязаныя асобы» былі працаўладкаваны дворнікамі ў маім
ЖЭСе. Ды вось толькі вынікаў іх працы відаць не было. Сяк-так спрабавалі штосьці рабіць… Добра яшчэ, што мінулая зіма не выдалася асабліва снежнай. А так пад'езд ніхто не мыў вышэй за другі паверх, вокны стаялі брудныя, са смеццеправода ў трыццаціградусную спякоту даносіўся смурод. Як толькі «абавязаныя асобы» зніклі, адразу ж у пад'ездзе навялі парадак.
Таму пытанне — ці трэба іх накіроўваць дворнікамі ў ЖЭСы?
@Іван
Я лічу, што дармаеды павінны плаціць асаблівы падатак, пакуль не ўладкуюцца нарэшце на працу! Праўда, я не думаю, што такі падатак варта браць з тых, хто вымушана беспрацоўны (па стане здароўя або сямейным становішчы). Тут трэба ў прыватным парадку падыходзіць і вызначаць удар, а не лупіць па ўсіх…
zvіazda.by. Заходзьце, чытайце, каментуйце!
Ваша думка важная!
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.