Чэмпіёны Беларусі пацярпелі чарговае разгромнае паражэнне ў сёлетнім розыгрышы Лігі чэмпіёнаў.
Гэтым разам барысаўчан на сваім полі экзаменаваў данецкі «Шахцёр». Першыя дзесяць хвілін падапечныя Аляксандра Ермаковіча яшчэ трымаліся, але пасля ў вароты Сяргея Чэрніка пасыпаліся мячы. Усяго ў гэтай сустрэчы ўкраінцы адзначыліся 7 разоў, чым дапамаглі БАТЭ стварыць свой новы антырэкорд. Яшчэ нікому беларускія чэмпіёны ў еўракубках з падобнай розніцай не ўступалі.
—Мы самі вінаватыя ў паражэнні, — прызнаўся пасля гульні Аляксандр Ермаковіч, галоўны трэнер БАТЭ. — Зрабілі шмат памылак. Так, нас прымусілі памыляцца, аднак на такім узроўні рабіць гэта недазваляльна. Нам не хапае стабільнасці. Напэўна, прычына ў нас саміх.
Група Н. 21 кастрычніка. БАТЭ — «Шахцёр» (Украіна) — 0:7 (Алекс Тэйшэйра, 11, Луіс Адрыяна, 28, 36, 40, 44, 82, Коста, 35), «Порту» (Партугалія) — «Атлетык» (Іспанія) — 2:1 (Эрэра, 45, Куарэжма, 75; Фернандэс, 58).
Турнірны расклад: «Порту» — 7, «Шахцёр» — 5, БАТЭ — 3, «Атлетык» — 1.
Тарас ШЧЫРЫ.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».