Сумесная камандна-штабная трэніроўка па супрацьпаветранай абароне дзяржаў — удзельніц СНД адбылася на беларускай зямлі, а дакладней — у небе. Дзяжурныя сілы па супрацьпаветранай абароне Беларусі і Расіі прадэманстравалі свае магчымасці па выкананні задач баявога дзяжурства.
Дзяжурныя сілы не толькі забяспечылі ўстойлівую праводку цэляў і выдачу інфармацыі на камандныя пункты злучэнняў і воінскіх часцей, але і кіраванне дзеяннямі дзяжурных сіл авіяцыі. Адным словам, узаемадзеянне з дзяжурнымі сіламі па супрацьпаветранай абароне Расійскай Федэрацыі наладзіць удалося.
Органы кіравання, дзяжурныя разлікі зенітных ракетных і радыётэхнічных войскаў, пункты навядзення авіяцыі, паветраныя судны Беларусі і Расіі розных тыпаў — такім быў маштаб трэніроўкі. Усяго падчас яе правядзення задзейнічалі каля 20 самалётаў і верталётаў.
Экіпажы знішчальнікаў Міг-29 і верталётаў Мі-8, Мі-24 шукалі, выяўлялі і перахоплівалі паветраныя аб'екты, што выконвалі місію кантрольных цэляў, паветраных суднаў, якія ўганяюць, і парушальнікаў дзяржаўнай мяжы. Самалёт беларускіх Ваенна-паветраных сіл і войскаў супрацьпаветранай абароны Ан-26, які «ўганялі», у паветранай прасторы перасек мяжу Беларусі з Расіяй. Аднак экіпажам самалётаў Су-27 дзяжурнага звяна нашых суседзяў, якія неслі баявое дзяжурства на аэрадроме Баранавічы, удалося перахапіць умоўных парушальнікаў.
У ходзе выканання задач трэніроўкі таксама адпрацоўваліся пытанні прымянення новых сродкаў выяўлення нізкавысотных і малапамерных цэляў. Эфектыўнасць — навідавоку. Па словах камандуючага Ваенна-паветранымі сіламі і войскамі супрацьпаветранай абароны Узброеных Сіл Беларусі Алега ДВІГАЛЕВА, задачы, пастаўленыя перад удзельнікамі трэніроўкі, былі выкананы. «Узаемадзеянне ў галіне супрацьпаветранай абароны было і застаецца адным з важнейшых і першачарговых кірункаў супрацоўніцтва дзяржаў — удзельніц СНД у ваеннай сферы», — падкрэсліў генерал-маёр.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.