Ліхаманка Эбола — рэдкае, але вельмі небяспечнае захворванне, з узроўнем смяротнасці ад 25 да 90 працэнтаў. У гэтую апошнюю эпідэмію колькасць інфіцыраваных дасягнула ўжо больш як 10 тысяч чалавек, звыш 4,9 тысячы загінулі. У Міністэрстве аховы здароўя Беларусі інфармацыя аб захворванні пакуль рыхтуецца (нагадаем, што эпідэмія пачалася ў сакавіку), таму звернемся да інфармацыі, якую падрыхтавалі ўжо спецыялісты іншых краін.
Першае, пра што адразу варта сказаць — гэта эпідэмія даволі малаахвярная. У 2007 годзе ўспышка ва Угандзе забрала 37 жыццяў, у 2013‑м — 17. Цяпер, калі эпідэмія ліхаманкі Эбола цягнецца некалькі месяцаў, загінула каля 5 тысяч чалавек. Для параўнання: грып забірае штогод 250–300 тысяч чалавек.
Вірус Эбола, які выклікае гемарагічную ліхаманку, быў выяўлены ў двух раёнах Афрыкі (паблізу ракі Эбола, што і дало назву вірусу). Паводле афіцыйных публікацый, заразіцца можна пры цесным кантакце з крывёй, выдзяленнямі або іншымі вадкасцямі інфіцыраваных людзей. Так і ёсць: па паветры Эбола не лятае. Аднак галоўнымі прычынамі эпідэміі ў Афрыцы называюцца ўжыванне мяса шымпанзэ і арангутанаў, а таксама жудасную антысанітарыю, у якой пражывае тамтэйшае насельніцтва.
Сімптомы. Моцны галаўны боль, боль у горле і мышцах. Ваніты, дыярэя, высыпка, парушэнне функцый нырак і печані, унутраныя і знешнія крывацёкі. Аднак які фактар з'яўляецца вызначальным для смяротнасці? Той жа, што і пры халеры — абязводжванне. Гэта азначае, што хворым у першую чаргу патрэбна неабходная колькасць пітной вады, фізраствору, якія папоўняць запасы калію, магнію і г. д.
Прафілактыка. Вытрымліваць усе належныя санітарна-эпідэміялагічныя нормы. Дасканала мыць рукі. Пазбягаць цеснага фізічнага кантакту з інфіцыраванымі вірусам Эбола людзьмі. Пры доглядзе хворых карыстацца пальчаткамі, іншымі сродкамі індывідуальнай абароны.
Лячэнне. Шматлікія афіцыйныя крыніцы гавораць пра адсутнасць надзейных метадаў лячэння. Як, дарэчы, і эфектыўнай вакцыны. Маўляў, цяпер право-
дзяцца клінічныя выпрабаванні. Аднак нельга выпрабоўваць тое, чаго не існуе. Факт: лекі ZMapp і TKM-Ebola існуюць, але ўсё яшчэ на этапе «выпрабаванняў». Вакцыну таксама ўжо стварыла GlaxoSmіthKlіne, адна з вядучых сусветных фармкампаній. Праўда, Сусветная арганізацыя аховы здароўя не выказала зацікаўленасці ў ёй па той простай прычыне, што «плацежаздольным краінам Эбола не пагражае», адзначае адна з замежных інфармацыйных крыніц.
Успышка. З сакавіка гэтага года ліхаманка закранула Гвінею, Ліберыю, Сьера-Леонэ, Сенегал і Нігерыю. Абсалютная большасць ахвяр — жыхары афрыканскіх краін. Аднак у верасні ў Іспаніі памёр пастар, які заразіўся вірусам у Афрыцы і быў перавезены на радзіму для лячэння. На пачатку кастрычніка была шпіталізавана адна з медсясцёр, што лячылі пастара. Яна стала першай еўрапейкай, якая заразілася вірусам па-за афрыканскім кантынентам.
«У чым праблема, чаму ліхаманка Эбола існуе ў афрыканскіх краінах?» — задаецца пытаннем замежная крыніца і дае такі адказ: «Таму што ў іх жудасная галеча і антысанітарыя. І гэта ўсяго толькі на самой справе сімптом той сацыяльнай хваробы, на якую яны хварэюць. Вось гэта мы маем. Далей мы маем міжнародную бюракратыю, якая… не можа зарэгістраваць вакцыны і лекі».
Канцэрт для дзяцей і моладзі, пластычны спектакль Ягора Дружыніна і «Рок-панарама».