На гэтым тыдні ў сталіцы Балгарыі прайшоў штогадовы міжнародны конкурс сярод замужніх і паспяховых жанчын «Місіс Еўропа 2014». Нашу краіну ў ім прадставіла заснавальніца забаўляльнага інтэрнэт-партала prazdnіk.by, арганізатар шматлікіх свят Алеся Какошнікава.
Арганізатары адзначылі выдатную падрыхтоўку і добразычлівасць беларускай удзельніцы. Да слова, каб трапіць на конкурс, мінчанцы давялося пазбавіцца больш за 20 кілаграмаў і падрыхтаваць адмысловы сацыяльны праект, прысвечаны барацьбе з дамашнім насіллем. Такім праектам стаў мастацкі фільм «Зло», рэжысёрам якога выступіла наша суайчынніца Ірына Брэль.
Па выніках фінальнага шоу Алеся Какошнікава атрымала тытул «Місіс Дабрачыннасць». Карона пераможцы і тытул першай прыгажуні сярод замужніх жанчын дасталіся прадстаўніцы Канарскіх астравоў Наталлі Замора Салас. Усяго ж у сёлетнім конкурсе ўдзельнічалі прадстаўніцы 20 еўрапейскіх краін.
Вікторыя ЗАХАРАВА.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.