Зіма выпрабоўвае нас. Завеі ды маразы правяраюць нашы пачуцці на вернасць і шчырасць. Гарэзна-радасна распавядаецца пра гэта ў народнай песні «Ах ты, зімачка-зіма». Прага кахання робіць вольным шлях да ўзаемнасці.
Душэўныя парыванні закаханых дзяўчат амаль аднолькава разгортваюцца на планеце. І жаданне беларускай дзяўчыны вельмі падобнае да нястрымнага памкнення расіянкі, што надзвычай узрушана выказваецца ў песні «Валёнкі»: «Как его любила! По морозу босиком к милому ходила». Сапраўднае каханне ўпрыгожвае навакольны свет... І робіць яго ўтульным нават зімою...
Песню «Ах ты, зімачка-зіма» запісаў этнамузыкант Рыгор Шырма ад Міхаіла Шуманскага, які ў 1940 годзе прыйшоў у Беларускі ансамбль песні і танца з вёскі Пераброддзе, што на Браслаўшчыне.
Ах ты, зімачка-зіма,
Зіма лютая была,
Завеяла, замяла
Ўсе дарожкі, ўсе пуці.
Завеяла, замяла
Ўсе дарожкі, ўсе пуці,
Ўсе дарожкі, ўсе пуці, —
Недзе к міламу прайсці.
Я дарожкі размяту,
Сама к міламу пайду.
Сцялю, сцялю пасцялю
Пасцель пухавую.
Сцялю, сцялю пасцялю
Пасцель пухавую,
Каго верна я люблю,
Таго пацалую.
Падрыхтаваў Міхась ШАВЫРКІН
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.