Пасля рэканструкцыі, якую выканалі спецыялісты філіяла №4 ААТ «Белрамбудсувязь», значна павялічылася плошча залы для абслугоўвання кліентаў. Прычым паклапаціліся нават пра самых малодшых наведвальнікаў: пакуль іх бацькам аказваюцца тыя ці іншыя паштовыя паслугі, дзецям прапануюцца атракцыённыя забавы. А адна з навінак для работнікаў аддзялення — душавая кабіна, якой можна скарыстацца падчас перапынку ці пасля завяршэння працоўнага дня.
— Мы імкнёмся, каб у пошты з'яўлялася больш сяброў і яны з радасцю ішлі да нас па неабходныя паслугі, — зазначае дырэктар Гродзенскага філіяла РУП «Белпошта» Іван ПРАТАСЕВІЧ.
Канкрэтныя крокі ў гэтым кірунку робяцца і будуць рабіцца надалей у розных рэгіёнах Гродзеншчыны. Нядаўна, напрыклад, мадэрнізаваны будынкі раённага вузла паштовай сувязі ў Мастах і аддзялення паштовай сувязі ў вёсцы Жытомля Гродзенскага раёна.
Барыс ПРАКОПЧЫК
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.