У перадавых краінах свету набірае сілу мода на пустэльніцтва, што выяўляецца ў рознага роду крайнасцях кшталту даўншыфтынгу (амаль поўнай адмовы ад сацыяльнага жыцця, існавання толькі для сябе), уцёкаў у віртуальную прастору ці нечага іншага. Пакуль эксперты спрачаюцца, добра гэта ці дрэнна, усё больш прадстаўнікоў «залатога мільярда» сыходзяць у «манастыр уласнага духу».
Асабліва ярка гэтая мода праявілася ў Японіі, дзе для адпаведнага ладу жыцця нават прыдумалі свой тэрмін «хікікаморы». У перакладзе з японскай гэта гучыць як «знаходжанне ў адзіноце». Носьбітаў светапогляду называюць папросту — «хікі». Яны адмаўляюцца ад публічнага жыцця і шукаюць максімальнай адзіноты. Як вынік, такія людзі не маюць працы і жывуць на ўтрыманні сваякоў.
Адзін з варыянтаў класічнай схемы такі: бацька, напрыклад, навязвае сыну выбар прафесіі, патрабуе, каб той пайшоў па яго слядах. А малады чалавек хоча стаць мастаком і на ўгаворы не паддаецца. Не маючы магчымасці ажыццявіць свае ўласныя планы, ён у выніку аддае перавагу зусім не рабіць ніякага выбару: замыкаецца ў сваім пакоі, начамі сядзіць у інтэрнэце, днямі спіць, есць тое, што прыгатуе спагадлівая мама, і зусім не хоча пакідаць зону камфорту. Бацькі разводзяць рукамі, але што рабіць, не ведаюць. Хоць Японія з-за цэлага шэрагу асаблівасцяў амаль ідэальная краіна для «хікі», падобныя сацыяльныя паводзіны фіксуюцца і ў іншых краінах свету. У Расіі, напрыклад, гэта спакон веку прынята называць «абломаўшчынай». Але, як пустэльнікаў ні назаві, а ва ўсіх варыянтах гаворка ідзе аб вострай сацыяльнай самаізаляцыі, якая мае даволі абмежаваны набор прычын.
• Тэорыя пра найбольш «годных і шчасных жыхароў» Зямлі, якія павінны застацца на планеце, таму што жыццёвых рэсурсаў хопіць толькі на такую колькасць людзей. Другі, менш распаўсюджаны варыянт: на мільярд найбольш «прасунутых» прадстаўнікоў чалавецтва павінны працаваць усе астатнія, забяспечваючы эліце камфортнае існаванне.
Падрыхтаваў Іван Купарвас
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!