52 выпускі складзенага гледачамі народнага хіт-парада папулярных выканаўцаў, або 22 гадзіны, напоўненыя музыкай і пазітыўным настроем, 350 старонак сцэнарыя, а таксама безліч агучаных у эфіры разнастайных музычных навін, ад лакальных да сусветных — такія вынікі працы ў 2014-м інфармацыйна-забаўляльнага праекта тэлеканала «Беларусь 2» «Вышэй за дах».
Нагадаем, арыгінальная праграма і яе нязменны вядучы Віталь Карпанаў штотыднёва выносяць на суд публікі 11 кліпаў беларускіх выканаўцаў. Відэаролік, які цягам месяца трымаецца на першым радку, аўтаматычна пераходзіць у своеасаблівую «Галерэю славы», а з яе напрыканцы года складаецца нетыповая для музычных хіт-парадаў «Найвышэйшая адзінаццатка».
Напрыклад, па выніках мінулага года ганаровае месца ў «Галерэі славы» занялі Яўген Літвінковіч з кампазіцыяй «Да цябе», Аляксандр Кавалёў з песняй «Не гульня», Mіsha FM і яго «Не скажу» і Святаслаў Пазняк з кампазіцыяй «Nіght Trafіc».
— У новым годзе мы зноў парадуем гледачоў гарачай барацьбой выканаўцаў і падрыхтуем для аўдыторыі «Вышэй за дах» выдатныя кліпы, забаўныя сюрпрызы, весялосць і ўсеагульную эйфарыю! — абяцае Віталь Карпанаў. — Са свайго боку, заклікаем гледачоў быць не проста сведкамі, а саўдзельнікамі гэтага свята жыцця — толькі ад вас залежыць, хто забярэцца на Алімп, а хто пойдзе на другі круг.
Вікторыя ЦЕЛЯШУК
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.