З 20 студзеня ў сталіцы з'явяцца новыя экспрэсныя аўтобусныя маршруты, якія будуць працаваць у начны час. Яны звяжуць вакзал з Малінаўкай і Шабанамі. На кожным маршруце будзе працаваць па адной маршрутцы «Мерседэс». Кошт праезду складзе 30 тысяч рублёў.
Паводле інфармацыі дзяржаўнай установы «Сталічны транспарт і сувязь», мікрааўтобусы маршруту № 803‑ТК «Вакзал — ДС «Шабаны» будуць адпраўляцца ад прыпыначнага пункта «Вакзал» на вуліцы Бабруйскай у 1.15, 2.15, 3.15, 4.15 і 5.15 і паедуць у прамым накірунку па вуліцах Ульянаўскай, Свярдлова, Партызанскім праспекце, вуліцах Сяліцкага і Бачылы, а назад — па вуліцах Бачылы, Сяліцкага, Партызанскім праспекце, вуліцы Свярдлова, плошчы Незалежнасці, вуліцы Бабруйскай. Маршрутка № 874‑ТК «Вакзал — ДС «Малінаўка» будзе адпраўляцца з таго ж прыпыначнага пункта ў 1.11, 2.11, 3.11, 4.11, 5.11. У абодвух накірунках яна будзе праязджаць па вуліцах Бабруйскай, К.Цэткін, праспекце Дзяржынскага, вуліцы Алібегава, праспектах газеты «Правда», Любімава, Дзяржынска, вуліцах Ясеніна, Рафіева, Слабадской.
Сяргей РАСОЛЬКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.