Памежнікі затрымалі яго ў Гродзенскім раёне дзякуючы пільнасці аднаго з мясцовых жыхароў, які паведаміў, што з таксі выйшаў невядомы мужчына і накіраваўся ў бок беларуска-польскай мяжы.
Праз 15 хвілін за спробу парушэння дзяржаўнай мяжы пагранічны нарад затрымаў грамадзяніна Ірака 1971 года нараджэння. У яго былі ноўтбук, мабільны тэлефон, прадукты харчавання, цыгарэты і 150 амерыканскіх долараў. Парушальнік не хаваў свайго незаконнага намеру: маўляў, такім нелегальным спосабам імкнуўся сустрэцца з сям'ёй, якая пражывае ў Берліне. Для далейшага разбіральніцтва ён змешчаны ў ізалятар часовага ўтрымання Гродзенскай пагранічнай групы. Дарэчы, з пачатку сёлетняга года гэта ўжо шосты няпрошаны госць з Ірака, затрыманы за парушэнне пагранічнага і міграцыйнага заканадаўства нашай краіны.
Барыс ПРАКОПЧЫК.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».