15 гадоў калоніі ўзмоцненага рэжыму атрымаў жыхар Баранавічаў, які выкінуў 5-месячнае немаўля з балкона пятага паверха.
Трагедыя адбылася 16 мая. 31-гадовы грамадзянін гасціў у сваёй знаёмай у адным з інтэрнатаў Баранавічаў. У кампаніі яшчэ з адной жанчынай яны распівалі алкаголь. Калі ж пасля 12 ночы выпіўка скончылася, жанчыны выклікалі таксі і паехалі за дабаўкай. 7-гадовую дачку гаспадыня ўзяла з сабой, а немаўля пакінула з п'яным сябрам. Пасля гэтага суседзі чулі дзіцячы плач за сцяной, які раптам спыніўся. Відавочна, дзіця перашкаджала спаць абвінавачанаму, ён выйшаў на балкон і скінуў малое ўніз.
Падчас следства грамадзянін шмат разоў мяняў паказанні, выдумляў розныя версіі здарэння, але суд прызнаў яго віну даказанай і вынес рашэнне, пра якое сказана вышэй. Як паведаміла начальнік аддзела Брэсцкай абласной пракуратуры Алена ЛЕШЧАНКА, прыгавор не ўступіў у законную сілу і можа быць абскарджаны.
Яна СВЕТАВА.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.