Летась Маладзечанская дзіцячая школа мастацтваў адзначыла сваё 65-годдзе
і Міхаіл Казінец, народны артыст Беларусі. Сярод славутых выпускнікоў Рыгор Сарока, заслужаны дзеяч мастацтваў нашай краіны; Святлана Бароўская, тэлевядучая; Алег Елісеенкаў, кампазітар і выканаўца; Вячаслаў Сулімскі, саліст Марыінскага тэатра і многія іншыя. Сёння ж у школе на сямі аддзяленнях навучаецца больш за 600 вучняў. Уладзімір ЯЦЫНОВІЧ, дырэктар школы мастацтваў, расказаў пра асаблівасці сваёй навучальнай установы, яе дасягненні і планы.
[caption id="attachment_73089" align="alignnone" width="600"] Уладзімір Яцыновіч, дырэктар Маладзечанскай дзіцячай школы мастацтваў.[/caption]
— Няхай 65-годдзе і не лічыцца круглым юбілеем, але для мяне гэта было вельмі хвалююча, — прызнаўся Уладзімір Паўлавіч. — Як мне здаецца, той год быў вельмі пазітыўным і па выніках. Школа заваявала 5 перамог міжнароднага ўзроўню. Нашы дзеці ездзілі на конкурсы ў Грэцыю і Бельгію. Мы атрымалі больш за 20 перамог абласнога ўзроўню. Увогуле ж за мінулы год школа заваявала больш за 40 перамог у розных конкурсах. А 27 лаўрэатаў спецыяльнага фонду Прэзідэнта Рэспублікі Беларусь па падтрымцы таленавітай моладзі — лічба, якой асабліва ганарацца ў нашай школе. У нас працуе 22 мастацкія і навучальныя калектывы, дзевяць з якіх маюць найменне «ўзорны» і «народны». Больш за 100 канцэртаў, якія далі нашы навучэнцы ў мінулым годзе, — паказчык творчай актыўнасці школы.
Маладзечанская школа мастацтваў з'яўляецца цэнтрам метадычнага аб'яднання, куды ўваходзяць чатыры раёны Мінскай вобласці: Маладзечанскі, Валожынскі, Мядзельскі, Вілейскі. Менавіта тут праходзяць адборачныя рэгіянальныя конкурсы.
— Штогод мы плануем каля 30 мерапрыемстваў, — расказвае дырэктар школы. — Паколькі гэта метадычнае аб'яднанне, то ў нас часта выступае са сваімі канцэртамі прафесура Акадэміі музыкі, вядучыя спецыялісты праводзяць майстар-класы па ўсім спектры музычных інструментаў. Безумоўна, гэта ўплывае і на прафесійны ўзровень нашых выкладчыкаў і навучэнцаў.
[caption id="attachment_73091" align="alignnone" width="600"] Народны ансамбль народнай песні «Харашуха»[/caption]
У школе працуе сем аддзяленняў: «Фартэпіяна», «Харавыя спевы», «Струнныя смычковыя інструменты», «Народныя струнныя інструменты», «Духавыя і ўдарныя інструменты», «Баян, акардэон» і «Тэорыя музыкі». Дзеці могуць навучыцца іграць на фартэпіяна, скрыпцы, віяланчэлі, флейце, габоі, кларнэце, фагоце, блок-флейце, валторне, трамбоне, трубе, тубе, саксафоне, домры, гітары, балалайцы, цымбалах, баяне, акардэоне, а таксама на ўдарных інструментах.
— Спадзяюся, у хуткім часе ў нас з'явіцца яшчэ і кантрабас, — заўважае дырэктар школы. — Гэта, дарэчы, для школ вельмі рэдкі інструмент, але для таго, каб спектр струнных смычковых інструментаў быў поўным, трэба, каб кантрабас быў прадстаўлены. А ў нашым духавым аддзяленні можна навучыцца іграць амаль на ўсіх духавых, у тым ліку і на такім рэдкім для музычных школ інструменце, як фагот.
Школа навучае дзяцей у асноўным акадэмічным жанрам музыкі. Але летась навучэнец Уладзіміра Паўлавіча па класе саксафона Косця Верамей стаў пераможцам міжнароднага джазавага конкурсу «Jazz-Tіme», які праходзіў у Салігорску.
— На жаль, у нас пакуль няма эстраднага аддзялення, але, спадзяюся, у наступным годзе яно з'явіцца. Гэтага патрабуе час, ды і сам я доўга пра гэта марыў.
Фота Надзеі БУЖАН
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.