За адзін вечар на трох жанчын напаў зламыснік у Брэсце і адабраў сумкі і пакеты. Паведамленні на пульт аператыўнага дзяжурнага паступалі з вуліц у раёне аўтавакзала. Там хуліган і высочваў сваіх ахвяр.
Першай стала 70-гадовая пенсіянерка: у яе рабаўнік выхапіў пакет з прадуктамі і ўцёк. Літаральна праз дзесяць хвілін злодзей спрабаваў адабраць сумачку ў 52-гадовай жанчыны. Яна актыўна абараняла сваю маёмасць і атрымала пераломы абедзвюх рук. Апошняй пацярпелай у той вечар стала жыхарка Драгічынскага раёна, што спяшалася на вакзал. У яе агрэсіўны нахабнік сумку адабраў і пры гэтым зламаў руку жанчыне.
Як расказала супрацоўніца прэс-службы абласнога УУС Аляксандра ЗАХАРАВА, праз чвэрць гадзіны пасля апошняга званка хуліган быў затрыманы. Яго знайшлі ў раёне чыгуначнага вакзала, дзе той развёў касцёр і паліў непатрэбныя яму з нарабаванага рэчы. Злодзеем аказаўся 24-гадовы непрацуючы жыхар Жабінкаўскага раёна, раней судзімы. Ён адпірацца не стаў і ва ўсім прызнаўся. Заведзена крымінальная справа.
Яна СВЕТАВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
