22 Верасень, субота

Вы тут

Прыгожыя справы жанчын


На прэс-канферэнцыі, прысвечанай 8 Сакавіка, Беларускі саюз жанчын традыцыйна падвёў вынікі сваёй працы за год.

— Прыемна адзначыць, што мы арганізацыйна ўмацаваліся, — сказала сустаршыня Беларускага саюза жанчын Антаніна МОРАВА. — Сёння мы будуем сваю працу не толькі па тэрытарыяльным прынцыпе, але і па галіновым.

Цяпер у складзе БСЖ тры самастойныя арганізацыі: АСБ Беларусбанк, жаночая арганізацыя БДУ, актыўная арганізацыя «Сяльчанка», а таксама чатыры клубы: «Клуб дзелавых жанчын», «Клуб жанчын-вучоных», «Спадарыня» для творчых жанчын і «Крэда» для жанчын-медыкаў.

Як і раней, жанчыны Беларусі актыўна прымаюць удзел у рэспубліканскай акцыі «Нашы дзеці», падчас якой наведваюць прыёмныя і шматдзетныя сем'і, дзіцячыя дамы, акцыі «Здароўе жанчын — здароўе нацыі», прысвечанай Чарнобыльскай трагедыі, калі разам з медыкамі выязджаюць у аддаленыя Чарнобыльскія раёны, дзе праводзяць абследаванне насельніцтва і сустрэчы.

Таксама БСЖ правеў акцыю да Дня маці, падчас якой па віншаванні з розных абласцей краіны ў Мінск прыязджалі жанчыны і дзеці з абмежаванымі магчымасцямі. З'явілася і новая — сумесная з ХоумБанкам — акцыя, прысвечаная таленавітай моладзі: дзеці з малазабяспечаных і няпоўных сем'яў атрымалі 5 стыпендый. Было праведзена некалькі конкурсаў: «Жанчына года», «Сям'я года», «Моцная сям'я — моцная дзяржава» (з Міністэрствам інфармацыі), «Любоў да Айчыны праз любоў да свайго роду» (з часопісам «Алеся»), для старшакласнікаў «За што я люблю сваю вёску» і «Сям'я — служым разам» (з Міністэрствам унутраных спраў).

— Сёлета мы працягнем традыцыйныя акцыі і конкурсы, — дадала Антаніна Морава. — У Беларусі аб'яўлены Год моладзі, таму ў нашых мерапрыемствах гэта тэма будзе прысутнічаць абавязкова. Безумоўна, з 70-годдзем Вялікай Перамогі павіншуем нашых ветэранаў.

Карыстаючыся магчымасцю, Антаніна Морава ад імя БСЖ павіншавала ўсіх жанчын Беларусі са святам і пажадала ім сонечнага надвор'я.

Наталля ТАЛІВІНСКАЯ

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.