І дэманструюць іх у галерэі «Універсітэт культуры», дзе можна пазнаёміцца з вынікамі міжнародных майстар-класаў іканапісу ў польскай Навіцы.
З 2009 года там праходзяць творчыя сустрэчы мастакоў з Польшчы, Украіны і Славакіі, якія працягваюць традыцыі пісання абразоў, а ў 2011 годзе да іх далучыліся іканапісцы з Беларусі. Удзельнікамі майстар-класаў у Навіцы з'яўляюцца мастакі, якія прэзентуюць праваслаўныя і каталіцкія традыцыі і кіруюцца адной мэтай — аднаўленне іконы як літургічнай выявы. Абразы з выявамі Хрыста, Багародзіцы, сюжэты са Старога Запавету — тое, што яднае прадстаўнікоў дзвюх хрысціянскіх канфесій, якія традыцыйна шануюцца ў Беларусі. Абразы ствараюцца сёння людзьмі. Як жа ў гэтай справе без малітвы?
Пра гэта клапоцяцца арганізатары майстар-класаў: кожны раз падчас чарговай сесіі яны прытрымліваюцца формулы сумеснай працы і малітвы іканапісцаў абодвух колаў традыцыі Усходу і Захаду. У майстар-класах узялі ўдзел звыш 50 мастакоў. Іх працу суправаджаюць канферэнцыі і дыскусіі, у якіх удзельнічаюць вядомыя мастацтвазнаўцы і тэолагі. Працы, створаныя ў Навіцы, паглядзелі больш за 15 тысяч чалавек, якія наведалі выставы ў Крыніцы-Здроі, Пшэмыслі, Любліне, Варшаве, Луцку, Львове і Мінску пасля пленэраў. Вернісаж «Святочныя іконы», які адбываецца ў гэтыя дні Вялікага посту для прадстаўнікоў абедзвюх канфесій, падрыхтаваны сумесна з Польскім Інстытутам у Мінску.
Ларыса ЦІМОШЫК.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.