На выязным пасяджэнні прэзідыума Брэсцкага гарадскога Савета дэпутаты знаёміліся з работай спартыўных і спартыўна-аздараўляльных аб'ектаў абласнога цэнтра. Іх у 300-тысячным горадзе нямала. Усяго налічваецца 604 спартыўныя збудаванні розных формаў уласнасці.
Чатыры стадыёны, два манежы, вяслярны канал, лядовы палац, палац водных відаў спорту — асабліва значныя аб'екты. Але не менш важнымі ўяўляюцца для горада, напрыклад, 17 міні-басейнаў і невялікія спартыўныя залы, дзе фізкультурай і спортам займаецца 68,5 тысячы гараджан.
Дэпутаты звярталі асаблівую ўвагу на тыя аб'екты, якія недастаткова загружаны. Народныя выбраннікі прыйшлі да высновы, што некаторыя палацы і комплексы саступаюць у маркетынгавай дзейнасці. Так, для прадпрыемстваў і арганізацый можна выкарыстоўваць гнуткую сістэму зніжак на абанементы, а таксама варта значна прыбавіць у справе рэкламы сваіх паслуг. Таксама дэпутаты абмеркавалі магчымасць узвядзення ў зарэчным мікрараёне лазні. Гэты пункт значыцца як наказ выбаршчыкаў у нататніках многіх народных выбраннікаў.
Яна СВЕТАВА.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.