Чатыры мужчыны і 17-гадовая дзяўчына праходзяць па шматэпізоднай справе аб незаконным абароце наркатычных сродкаў і псіхатропных рэчываў.
У прэс-службе ўпраўлення Следчага камітэта па Гомельскай вобласці расказалі, што паўналетнім фігурантам справы (жыхары Гомеля і Мінскага раёна) прад'яўлена абвінавачванне ў незаконным набыцці і захоўванні для асабістага спажывання 7,49 грама гашышу. Палімерныя пакеты з небяспечным наркатычным сродкам праваахоўнікі канфіскавалі па месцы жыхарства, працы абвінавачваемых, у аўтамабілі. Юная гамяльчанка знаходзіцца ў статусе падазраванай.
Акрамя таго, устаноўлена дачыненне чацвярых мужчын да збыту атрутнага зелля праз «закладкі» ў Гомелі (не менш за 5,15 грама). 24-гадовы гамяльчанін падазраецца таксама ў незаконным збыце праз інтэрнэт не менш за 43,57 грама здробненага расліннага наркотыку.
Ірына АСТАШКЕВІЧ.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».