У Магілёве затрымалі групу маладых людзей, якія займаліся распаўсюджваннем курыльных сумесяў.
Кампанія з пяці чалавек зарабляла на жыццё продажам спайсу праз інтэрнэт. Як паведаміла супрацоўніца аддзялення інфармацыі і грамадскіх сувязяў УУС Магілёўскага аблвыканкама Юлія Халамеева, змоўшчыкі знаходзілі пакупнікоў, атрымлівалі грашовыя пераводы на свае электронныя кашалькі і рабілі закладкі курыльных сумесяў дзесьці ў межах горада. Гандляры ніколі не сустракаліся са сваімі кліентамі, але пра іх дзейнасць стала вядома супрацоўнікам міліцыі, якія неўзабаве і затрымалі пяць удзельнікаў групы, уключаючы кіраўніка. Усе яны маладыя людзі ва ўзросце ад 19 да 22 гадоў, якія, акрамя аднаго (ён, дарэчы, і прывозіў «тавар» з Мінска) нідзе не вучыліся і не працавалі. Па месцы жыхарства аднаго з іх знойдзена больш за 100 грамаў небяспечнага расліннага рэчыва. Наркагандляроў чакае пазбаўленне волі да 12 гадоў. Калі будзе даказана, што маладыя людзі мелі дачыненне да арганізаванай групоўкі, тэрмін можа павялічыцца да 20 гадоў.
Нэлі ЗІГУЛЯ.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.