А палове дванаццатай ночы ў панядзелак маршрутнае таксі №12 не саступіла дарогу аўтамабілю на скрыжаванні вуліц Міцкевіча і Савецкай горада Брэста. Ад моцнага ўдару маршрутку перавярнула, і яна ўпала проста на лаўку пры дарозе. На бяду, на той лавачцы сядзелі хлопец з дзяўчынай. Яны найбольш пацярпелі ў аварыі.
Як паведаміла начальнік аддзела абласнога ўпраўлення ДАІ Наталля САХАРЧУК, у бальніцу дастаўлены тры пасажыры маршруткі, адна пасажырка легкавіка і двое маладых людзей, пра якіх сказана вышэй. Узрост пацярпелых — ад 19 да 52 гадоў, людзі атрымалі пераломы, траўмы галавы, удары. Паводле папярэдняй версіі, аварыя адбылася па віне вадзіцеля маршруткі. Заведзена крымінальная справа.
Яна СВЕТАВА.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.