Вы тут

Стаўленне да вайны — характарыстыка духоўнасці грамадства


У Кітаі парад Перамогі пройдзе ў верасні. Да 70-годдзя атрымання перамогі над японскімі мілітарыстамі. Але не застанецца незаўважаным у кітайскім грамадстве і сёлетняе 9 Мая як дзень 70-годдзя Вялікай Перамогі савецкага народа над фашызмам.

Старшыня КНР Сі Цзіньпін прыняў запрашэнне з Расіі і возьме ўдзел у святкаваннях юбілею на Краснай плошчы ў Маскве. З пытаннем пра тое, ці ведаюць у Кітаі Вялікую Айчынную вайну, як адносяцца да памяці пра яе, наш карэспандэнт звярнуўся да розных прадстаўнікоў кітайскага грамадства. І вось што пачуў у адказ.

Гао Ман, мастак, перакладчык, у 1980-я гады — галоўны рэдактар часопіса «Мировая литература»:

— За многія папярэднія дзесяцігоддзі я не аднойчы бываў у гарадах Расіі і Беларусі. І ўсюды адчуваў сляды барацьбы савецкага народа з фашызмам. Трагічнае, драматычнае дыханне Вялікай Айчыннай — у тых творах, якія я перакладаў. І Святлану Алексіевіч я адкрыў як пісьменніцу праз яе кнігу пра вайну. Хаця потым пераклаў на кітайскую мову іншы яе твор. Прыемна, што ў Беларусі створана такога маштабу проза пра Вялікую Айчынную. Васіль Быкаў, Іван Шамякін, Алесь Адамовіч — вось імёны, дзякуючы якім пра яе не забудуцца не толькі беларусы.

Чжао Хуэйжун, загадчыца аддзела Інстытута Расіі, Усходняй Еўропы і Цэнтральнай Азіі Кітайскай Акадэміі грамадскіх навук, прафесар:

— Другая сусветная вайна перавярнула свядомасць людзей, наклала свой адбітак на падзеі наступных цяпер ужо сямі дзесяцігоддзяў. Вядома ж, у Кітаі ведаюць пра ролю Савецкага Саюза ў гэтай вайне. Мы разумеем, што зроблена вашымі народамі для знішчэння фашызму. І стараемся гэтыя веды, гэтую памяць перадаваць моладзі. Займаючыся пытаннямі міжнароднага партнёрства, я пільна ўглядаюся ў Беларусь сённяшнюю. І ведаю, як палітыка Прэзідэнта Беларусі грунтоўна базіруецца на высокамаральных каштоўнасцях гістарычнага міралюбства. Жыць у міры і згодзе народам розных краін — вось галоўны антываенны ўрок, які засвоены вашым і нашым грамадствам.

Лю Мяо, выкладчык 2-га Пекінскага дзяржаўнага ўніверсітэта замежных моў, кіраўнік Цэнтра па вывучэнні Беларусі:

— Гісторыя Вялікай Айчыннай вайны — адна з найважнейшых тэм, праз якія мы раскрываем студэнтам вобраз Беларусі. Пакуты, боль, перанесеныя вашым народам, і праяўленыя пры гэтым мужнасць, гераізм — высокі прыклад для ўсяго свету. І для дружалюбнага да Беларусі кітайскага народа — перш за ўсё. Мы ўсведамляем маштабы трагедыі, драмы даўніх дзесяцігоддзяў. Працуючы са студэнтамі, я часта ў расповедах пра Беларусь звяртаюся да кнігі пра спаленыя беларускія паселішчы «Я з вогненнай вёскі», якая выдадзена і ў перакладзе на кітайскую мову. Думаю, што нашы выдаўцы яшчэ не раз прапануюць гэтае горкае, з дзіўнай сілы нянавісцю апавяданне кітайскім чытачам. Такое не забываецца. Кітайцы таксама не могуць пра такое забыцца!..

Кірыл ЛАДУЦЬКА,

г. Пекін, Кітай.

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.