24 Верасень, панядзелак

Вы тут

А ваша дзіця...


У краіне праводзіцца прафілактычная акцыя «Стоп-спайс!»

Запланаваны не толькі сустрэчы спецыялістаў з маладымі людзьмі, трэнінгі для педагогаў па выяўленні юнакоў і дзяўчат з залежнасцю, лекцыі для бацькоў па абмежаванні доступу да пэўных сайтаў, але і праверкі інтэрнатаў, дыскатэк, клубаў, вакзалаў, цягнікоў.

Ужо злачынца

На 8 гадоў пазбаўлення волі быў нядаўна асуджаны падлетак, які ў прыбіральні вучэбнай установы прапанаваў іншаму пакаштаваць курыльную сумесь.

У Мінскай, Брэсцкай, Гродзенскай, Магілёўскай абласцях назіраецца рост (у параўнанні з мінулым годам) злачыннасці з удзелам няпоўнагадовых. Асноўная прычына — масавае распаўсюджванне наркаманіі. Калі летась за чатыры месяцы года няпоўнагадовыя ўчынілі ў стане наркатычнага ап'янення 28 злачынстваў, то сёлета — 47. Падлеткавая нарказлачыннасць звязана ў першую чаргу са спайсамі. Аднак вырасла і колькасць учыненых падлеткамі крадзяжоў (з 382 да 410) і хуліганстваў (з 88 да 116). Праўда, крыху зменшылася колькасць выпадкаў выкрадання аўтамабіляў, рабаванняў, махлярства.

Як адзначае начальнік аддзела арганізацыі работы інспекцый па справах няпоўнагадовых Галоўнага ўпраўлення аховы правапарадку і прафілактыкі Міністэрства ўнутраных спраў Віталь ЯНЧЫН, колькасць крымінальных дзеянняў па лініі наркакантролю з удзелам падлеткаў будзе расці. Гэта звязана не толькі з прастатой спажывання псіхаактыўных рэчываў, але і з аб'ектыўнымі ўмовамі — змяненнем заканадаўства. Так, узрост крымінальнай адказнасці за збыт наркотыкаў знізіўся з 16 да 14 гадоў, устаноўлена крымінальная адказнасць за паўторнае адміністрацыйнае правапарушэнне, уведзена адміністрацыйная адказнасць за з'яўленне ў стане наркатычнага ўзрушэння ў грамадскім месцы (за чатыры месяцы ўжо выяўлена звыш сотні фактаў ужывання падлеткамі наркотыкаў і знаходжання ў стане наркаап'янення ў грамадскіх месцах). Распрацаваны і, ёсць надзея, хутка будзе прыняты законапраект, які прадугледжвае пашырэнне падстаў для накіравання падлеткаў у спецыяльныя лячэбна-выхаваўчыя ўстановы (можна будзе накіраваць туды падлеткаў з наркалагічнага ўліку, якія ўхіляюцца ад лячэння або парушылі правілы распарадку ў стацыянарнай установе аховы здароўя.

Тытуню малавата

Колькасць спажыўцоў спайсу, якія трапляюць пад увагу медыкаў, сёлета зменшылася, хоць наўрад ці можна гаварыць пра вырашэнне праблемы і захаванне такой тэндэнцыі.

Паводле слоў загадчыка наркалагічнага рэабілітацыйнага аддзялення РНПЦ псіхічнага здароўя Уладзіміра ІВАНОВА, урачы-нарколагі стабільна выконваюць сваю работу, аднак гэта адбываецца паралельна з тым, як іншыя людзі складаюць свае планы па рэалізацыі таго ж тытуню. Заўважана, што 100 працэнтаў спажыўцоў спайсаў маюць тытунёвую залежнасць. Класічная схема: прыкладна ў 13-14 гадоў дзеці пачынаюць курыць, і ўжо літаральна праз год гэтага становіцца «малавата» — нараджаецца жаданне пакаштаваць спайс. Дарэчы, у алкагольнай залежнасці не прасочваецца сувязь з тытунёвай — многія алкаголікі не кураць. Словам, нельга драбіць праблему і спадзявацца на лепшае, калі ў краіне тытунь, алкаголь і тыя ж спайсы з'яўляюцца абсалютна даступнымі і па кошце, і па колькасці месцаў продажу.

Што да аказання дапамогі людзям з наркатычнай залежнасцю, то яна цалкам даступная, ананімная і бясплатная (калі чалавек не прыцягваўся да адказнасці). Іншая рэч, у нашай краіне па-ранейшаму не вырашана пытанне з рэа-
білітацыйнымі цэнтрамі для нарказалежных. Адпаведная пастанова Савета Міністраў пакуль не падпісана, а гэта мог бы быць важны крок ва ўпарадкаванні дзейнасці такіх структур.

Выяўляць і ратаваць

Бацькі і педагогі ўжо больш ведаюць аб праблеме наркаманіі і ўсё часцей дапамагаюць выкрываць факты ўцягвання моладзі.

Як вядома, у новым навучальным годзе будзе праведзена анкетаванне 11-14 гадовых школьнікаў на прадмет схільнасці да ўжывання наркарэчываў. Праводзіцца яно будзе з пісьмовай згоды і саміх падлеткаў, і іх бацькоў. Вынікі апытання будуць захоўвацца адміністрацыяй навучальнай установы. Ананімнасць не прадугледжваецца, але выключна для таго, каб пасля можна было звязацца з бацькамі і дапамагчы дзіцяці са схільнасцю або залежнасцю — накіраваць на медагляд да спецыялістаў.

Святлана БАРЫСЕНКА

 

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.