Вы тут

Вызваліць педагогаў ад неўласцівых функцый


Старшыня гомельскай раённай арганізацыі беларускага прафсаюза работнікаў адукацыі і навукі Ларыса Леглік — адна з тых, хто будзе ўдзельнічаць у з'ездзе Федэрацыі прафсаюзаў Беларусі 22 мая. Яна адзначае, што людзі цяпер сталі ўспрымаць прафсаюз у першую чаргу як арганізацыю, куды можна прыйсці з любым пытаннем — папрасіць садзейнічання і дапамогі:

— Мы імкнёмся ствараць умовы не толькі для прафесійнага развіцця чалавека, але і для творчага. Найбольш значныя мерапрыемствы, якія ў нас прайшлі, звязаны са святкаваннем 70-годдзя Вялікай Перамогі. Напрыклад, агляд самадзейнай мастацкай творчасці «Паклонімся вялікім тым гадам» сабраў самых таленавітых прадстаўнікоў з 80% устаноў адукацыі Гомельскага раёна. Мы ўзнагародзілі больш за 50 лепшых, у тым ліку майстроў дэкаратыўна-прыкладной творчасці і фатаграфіі. Акрамя таго, падтрымліваем 104-х ветэранаў працы. Яны маюць магчымасць атрымліваць не толькі матэрыяльную дапамогу, але і грашовую кампенсацыю пры аздараўленні ў санаторыях «Белпрафсаюзкурорта». Усе работнікі галіны, незалежна ад пасады і прафесіі, атрымліваюць матэрыяльную дапамогу да 1 верасня — у тым выпадку, калі іх дзеткі ідуць у першы клас. Музычны конкурс праводзім для дзяцей з прыёмных сем'яў, з Улукаўскай школы-інтэрната, сацыяльна-педагагічнага цэнтра і тых, хто знаходзіцца ў сацыяльна небяспечным становішчы. Традыцыяй у нас стала правядзенне конкурсаў прафесійнага майстэрства сярод бібліятэкараў, настаўнікаў-дэфектолагаў, кухараў дашкольных і школьных устаноў...

Важна, каб Федэрацыя прафсаюзаў і ўсе яе структурныя падраздзяленні захавалі той давер людзей, які маюць сёння. Для гэтага трэба, у тым ліку, адстойваць свае погляды і рашэнні, за якімі стаяць людзі, у пытаннях, звязаных з умовамі і аплатай працы.

Што тычыцца менавіта галіны адукацыі, вельмі спадзяюся, што мы нарэшце вырашым праблему аплаты працы катэгорыі людзей, якім даплачваюць да ўзроўню мінімальнага заробку, устаноўленага ў нашай краіне. Гэта вартаўнікі, дворнікі, кухары і гэтак далей.

Спадзяюся, што з падтрымкай Федэрацыі прафсаюзаў атрымаецца вызваліць работнікаў галіны адукацыі ад неўласцівых ім функцый. Пакуль гэтая праблема застаецца актуальнай і людзі да нас звяртаюцца з такімі пытаннямі.

Ірына АСТАШКЕВІЧ

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.