Вы тут

Адрыну, якая загарэлася ад маланкі, адновяць


Як ужо паведамляла «Звязда», на тэрыторыі Беларускага дзяржаўнага музея народнай архітэктуры і побыту, што ў вёсцы Азярцо пад Мінскам, ад удару маланкі загарэўся ўнікальны помнік традыцыйнага гаспадарчага дойлідства. Гэта старадаўняя адрына, перавезеная сюды з вёскі Левановічы Пастаўскага раёна, якая знаходзіцца на тэрыторыі экспазіцыйнага сектара Паазер'е.

2-43

У музеі драўлянай архітэктуры працуе ўласная пажарная часць, маюцца дзве пажарныя машыны, у што ўкладзены досыць значныя дзяржаўныя сродкі. Таму пакуль незразумела, чаму яны не змаглі аператыўна патушыць агонь.

Начальнік упраўлення па ахове гісторыка-культурнай спадчыны Міністэрства культуры Беларусі Ігар ЧАРНЯЎСКі адзначае:

— Мы будзем высвятляць, чаму так адбылося. Аднак знайсці вінаватага заўсёды проста. Цяпер галоўнае — прыняць меры па захаванні. Па-першае, я не ўпэўнены, што ў музеі ёсць запас саломы, каб накрыць новы дах. Давядзецца чакаць будучага ўраджаю, каб менавіта зжаць, а не скасіць салому. Па-другое, трэба правесці мерапрыемствы па кансервацыі, каб раскрытая будыніна не пашкодзілася далей. Фактычна, там знішчаны толькі салома і кроквы. Апошнія насамрэч захаваліся, але абгарэлі, таму давядзецца мяняць. Зруб і адкрытая частка будынка не пагарэлі.

Музей у вёсцы Азярцо, што размяшчаецца на некалькіх гектарах, сфарміраваны з драўляных забудоў, перавезеных сюды з розных куткоў нашай краіны — Палесся, Панямоння, Падняпроўя. Разам сабраны найбольш яскравыя прыклады драўлянага дойлідства.

Вёска мяняецца досыць імкліва, як адзначае спецыяліст. Таму прыкладаў драўлянай архітэктуры па-за межамі музея застаецца ўсё меней. У большай ступені цікавыя прыклады такога дойлідства яшчэ можна адшукаць на Палессі.

Ніна ШЧАРБАЧЭВІЧ

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.