Вы тут

Алесь Камоцкі збірае сяброў


Гэта ўжо і традыцыя, і добрая нагода сустрэцца ў адным з самых прыемных мінскіх месцаў — у Купалаўскім музеі. Менавіта тут 9 чэрвеня, у дзень свайго нараджэння, Алесь Камоцкі ладзіць свята для адданых прыхільнікаў беларускай паэзі і песні.

Як жартуе сам выканаўца, яго выступленне перад сябрамі адбудзецца пры любым надвор'і. Але вопыт мінулых гадоў падказвае, што сонца ў гэты дзень традыцыйна ўсміхаецца, краскі квітнеюць, як гэта і належыць быць на пачатку лета.

У выступленні спадара Камоцкага 9 чэрвеня возьмуць удзел два выдатныя гітарысты — Алег Змушка (з якім, па словах Алеся, ён працуе на сцэне ўжо паўжыцця) і Юры Сілавец. Канцэртная праграма складаецца з песень розных гадоў. Прыемна тое, што выканаўца даволі часта саступае настойлівым просьбам і выконвае заказы ўдзячнай публікі на біс.

Уваход на гэтую імпрэзу вольны. Але сябры раяць прыходзіць на выступленне Алеся раней вызначанага часу (19 гадзін). Бо вопыт ранейшых канцэртаў паказвае: вольных месцаў у зале, калі выступае сапраўдны артыст і паэт, не бывае.

Ларыса РАКОЎСКАЯ

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.