Вы тут

Беларусы на сусветным чэмпіянаце прафмайстэрства ў Бразіліі могуць разлічваць на прызавыя месцы - Міхаіл Жураўкоў


Міністр адукацыі Беларусі Міхаіл Жураўкоў лічыць, што прадстаўнікі беларускай каманды на сусветным чэмпіянаце прафесійнага майстэрства WorldSkills International (WSI) у Бразіліі абавязкова зоймуць некалькі прызавых месц.

Беларусь у 2014 годзе далучылася да руху WorldSkills International. На думку Міхаіла Жураўкова, у маі беларуская каманда больш чым паспяхова выступіла на чэмпіянаце WorldSkills краін СНД у Казані. "Мы выглядалі вельмі дастойна і пацвердзілі, што ўзровень прафесійна-тэхнічнай адукацыі ў нашай краіне даволі высокі і адпавядае сусветным стандартам", - лічыць міністр.

Сёння беларуская каманда WorldSkills вядзе актыўную падрыхтоўку да сусветнага чэмпіянату прафесійнага майстэрства, што адбудзецца ў жніўні ў Бразіліі. "Важнасць удзелу нашай краіны ў гэтым міжнародным руху, які павышае прэстыж кваліфікаванай працы і папулярызуе сапраўдны прафесіяналізм, цяжка пераацаніць. У жніўні ў Бразіліі, як я спадзяюся, прадстаўнікі беларускай каманды абавязкова зоймуць некалькі прызавых месц", - адзначыў Міхаіл Жураўкоў.

Разам з тым, паводле яго слоў, не менш важна і тое, што юнакі і дзяўчаты атрымаюць каштоўны вопыт выступлення на міжнароднай арэне і ўстановяць кантакты з равеснікамі з іншых краін. У сваю чаргу беларускай экспертнай супольнасці, выкладчыкам спаборніцтвы ў Бразіліі дапамогуць удасканальваць сістэму прафесійна-тэхнічнай і сярэдняй спецыяльнай адукацыі з улікам вопыту развітых краін.

"Мы вельмі спадзяёмся, што ўдзел Беларусі ў спаборніцтвах у Бразіліі выкліча ўсплёск інтарэсу абітурыентаў да прафесійна-тэхнічнай і сярэдняй спецыяльнай адукацыі. Сёння нашы каледжы і іх аснашчэнне не ўступаюць вышэйшым навучальным установам, і абітурыенты павінны ведаць, якія перавагі гэта ім дае. Для тых, хто ўжо атрымлівае рабочую спецыяльнасць, выступленне беларускай каманды ў Бразіліі стане пэўным стымулам прыкласці максімум намаганняў для атрымання ведаў - яны будуць бачыць, што іх прафесія запатрабавана ў свеце", - дадаў Міхаіл Жураўкоў.

Як паведамлялася, каманда Беларусі ўпершыню прыме ўдзел у прэстыжных міжнародных спаборніцтвах прафесійнага майстэрства сярод моладзі WorldSkills International, якія пройдуць 11-16 жніўня ў бразільскім Сан-Паўлу. У гэтым годзе на прэстыжных спаборніцтвах па 50 кампетэнцыях збяруцца больш як 1,2 тыс. канкурсантаў з 63 краін. Гэтыя спаборніцтвы па праву называюць Алімпійскімі гульнямі для маладых прафесіяналаў.

Міжнародная некамерцыйная асацыяцыя WorldSkills International цяпер аб'ядноўвае 72 краіны-ўдзельніцы, у якіх пражывае больш як 70 працэнтаў насельніцтва зямнога шара. Місія WSI - павышэнне статусу і стандартаў прафесійных навыкаў і прафесійнага навучання ва ўсім свеце.

БЕЛТА

Выбар рэдакцыі

Спорт

Як жывуць спартсмены, якія выступяць на Еўрапейскіх гульнях?

Як жывуць спартсмены, якія выступяць на Еўрапейскіх гульнях?

Карэспандэнты «Звязды» пабывалі ў Вёсцы атлетаў.

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне.