Хто сказаў, што выхадныя — час для адпачынку? Звычайна менавіта ў гэтыя дні дома ці на дачы збіраецца ўся сям'я: дзеці, унукі, а яшчэ сябры ці суседзі могуць завітаць у госці. Як іх усіх накарміць? Ёсць дастаткова страў, смачных і простых, якія і дапамогуць гаспадыні справіцца з гэтай нялёгкай задачай. Напрыклад...
Бутэрброды «Сытныя»
Спатрэбіцца: 3 бульбіны, 1 вялікая морква, 1 вялікая цыбуліна, 1 яйка, 1 батон, соль.
Гародніну аблупіць. Бульбу і моркву надзерці на тарцы, цыбулю дробна парэзаць. Усё перамяшаць, убіць яйка, пасаліць. Батон парэзаць. На кожную лусту батона пакласці прыблізна сталовую лыжку атрыманай масы. Падсмажваць спачатку ніз лусты, потым верх.
Піца «Госці на парозе»
Спатрэбіцца: 1,5 шклянкі мукі, 1 шклянка кефіру, у тры пальцы солі і соды — для цеста.
Кефір змяшаць з мукой, пасаліць, дабавіць соду, выліць атрыманую масу ў форму, змазаную алеем, паставіць у разагрэтую духоўку на 5—7 хвілін. Для начынкі падыдзе ўсё, што ёсць у халадзільніку: каўбаса, вяндліна, сасіскі, памідоры, перац, аліўкі, кансерваваныя грыбы. Абавязковы інгрэдыент — сыр, яго трэба надзерці на тарцы. Дастаць з духоўкі падрумяненае цеста, змазаць кетчупам, зверху пакласці падрыхтаваную начынку, пасыпаць сырам, паліць маянэзам і паставіць у духоўку яшчэ на 15—20 хвілін.
Падрыхтавала Марына ХАРЫТАНОВІЧ
Фота аўтара
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.