У Беларусі ўдасканалілі парадак кампенсацыі бюджэту пры перасяленні забудоўшчыкамі грамадзян з жылых дамоў, якія падлягаюць зносу ў сувязі з прадастаўленнем гэтых зямельных участкаў пад жыллёвае будаўніцтва.
Сродкі, пералічаныя ў мясцовы бюджэт у якасці кампенсацыі, накіроўваюцца як на будаўніцтва і набыццё жылых памяшканняў для перасялення грамадзян з дамоў, якія будуць зносіць для забудовы, так і на выплаты грашовых кампенсацый па іх. У Міністэрстве архітэктуры таксама адзначылі, што гэта будзе рабіцца і для аплаты розніцы паміж рынкавым коштам жылых дамоў з прылеглымі да іх пабудовамі і насаджэннямі, якія падлягаюць зносу, і коштам жылых памяшканняў, якія прадаставяць.
Як удакладнілі ў ведамстве, з прыняццем гэтага ўказа ўстанаўліваецца, што кампенсацыя не робіцца з агульнай плошчы жылых памяшканняў, якія бязвыплатна перадаюцца ў камунальную ўласнасць. Акрамя таго, дакументам прадугледжана, што ў выпадках, калі заказчыкі, забудоўшчыкі прадастаўляюць грамадзянам жылыя памяшканні самастойна, пры вызначэнні памеру кампенсацыі ў разлік прымаецца не ўся плошча перададзенага грамадзяніну жылога памяшкання, а толькі плошча, якая не перавышае максімальную норму прадастаўлення жылога памяшкання дзяржаўнага жыллёвага фонду — 20 кв. м на аднаго чалавека.
Ілья КРЫЖЭВІЧ
kryzhevіch@zvіazda.by
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
