Спатрэбіцца: свініна — 500 г, гарбуз — 350 г, бульба — 300 г, цыбуля рэпчатая — 1 шт., часнок — 1-2 зубкі, памідоры — 8 шт., імбір (молаты сушаны) — 0,25 ч. лыжкі, мускатны арэх (молаты) — на кончыку нажа, алей, соль, чорны перац (молаты) — на смак.
Мяса нарэзаць кавалачкамі 2х2 см. Змяшаць спецыі: соль, перац, імбір, мускатны арэх.
Пасыпаць мяса наборам спецый і пакінуць марынавацца хвілін на 15. А тым часам дробна нарэзаць цыбулю і часнок. Ачысціць і нарэзаць кубікамі (2х2 см) гарбуз і бульбу. З таматаў зняць скурку і таксама нарэзаць невялікімі кубікамі.
Разагрэць у сатэйніку алей і злёгку абсмажыць у ім мяса. Дабавіць цыбулю з часнаком і пасмажыць на сярэднім агні да празрыстасці. Дабавіць памідоры і патушыць хвілін 10.
Усыпаць у сатэйнік бульбу з гарбузом і даліць вады, каб яна амаль пакрыла рагу. Пасаліць. Гатаваць хвілін 20.
Канцэрт для дзяцей і моладзі, пластычны спектакль Ягора Дружыніна і «Рок-панарама».