Вы тут

Парушэнне раўнавагі


«Падкажыце, калі ласка, як праверыць сябе на каардынацыю рухаў, з чым можа быць звязана яе парушэнне?

Аксана Паўлаўна, г. Мінск».

Тлумачыць урач-неўролаг 11-й гарадской паліклінікі г. Мінска Юлія ВАРАНЬКО:

— Само па сабе парушэнне раўнавагі не з'яўляецца захворваннем, але гэта сімптом, які можа ўзнікнуць пры самых розных захворваннях. Што ж можа прывесці да парушэння каардынацыі?

Фізічнае знясіленне арганізма. Уздзеянне алкаголю, наркатычных і іншых атрутных рэчываў. Інсульт, атэрасклероз сасудаў галаўнога мозга, энцэфалапатыя. Траўмы галавы. Пухліны галаўнога мозга. Рассеяны склероз. Паркінсанізм. Каталепсія (захворванне, пры якім чалавек застывае ў адной позе). Захворванні апорна-рухальнага апарату. Узроставыя змяненні ў арганізме.

Што трэба разумець пад парушэннем каардынацыі руху? Гэта з'яўленне трэмару — дрыжання кісцяў рук, галавы. Сімптом вельмі лёгка выявіць, калі папрасіць хворага што-небудзь напісаць на лісце паперы. Літары атрымліваюцца няроўныя, замест круга — зігзаг. Почырк у такога чалавека неразборлівы. Пры адных захворваннях трэмар нарастае ў стане спакою, а пры іншых — падчас руху.

Другі важны момант — хістанне падчас руху. Чалавек не можа прайсці па роўнай лініі, робіць крокі рознай даўжыні.

Нарэшце, атаксія, пры якой пакутуюць лобныя аддзелы галаўнога мозга, іншыя важныя структуры нервовай сістэмы. Пры падазрэнні на атаксію пацыента просяць пастаяць з выцягнутымі наперад рукамі і заплюшчанымі вачамі. Ногі пры гэтым павінны быць «разам». Неабходна дакрануцца пальцам да носа (або лежачы на спіне дакрануцца пяткай да калена супрацьлеглай нагі).

Калі вы заўважылі ў сябе падобныя сімптомы, нейкія цяжкасці пры выкананні пералічаных дзеянняў, тэрмінова звярніцеся да ўрача — неўролага, кардыёлага, таксіколага

Святлана БАРЫСЕНКА

protas@zviazda.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.