Дэпутаты Палаты прадстаўнікоў Нацыянальнага сходу ўпэўнены: за гады незалежнасці краіна набыла моц для паспяховага пераадолення крызісаў.
Віктар ШЧЭЦЬКА, старшыня Пастаяннай камісіі па аграрнай палітыцы:
— Беларусь за перыяд сваёй незалежнасці сапраўды стала краінай у поўным сэнсе гэтага слова — самастойнай, паўнавартаснай дзяржавай, якая не з'яўляецца нічыім прыдаткам.
Усе разумеюць, што калі б мы пайшлі адразу пасля развалу Савецкага Саюза па шляху Расіі або краін Прыбалтыкі, то не змаглі б падняцца ніколі. Мы захавалі нашы заводы — Мінскі трактарны, Беларускі аўтамабільны... Мы не закінулі сельскую гаспадарку — нават у Расіі яна прыйшла ў заняпад, і цяпер велізарныя сродкі там укладваюцца, каб яе аднавіць. Наша сельская гаспадарка — вялікае дасягненне ўвогуле. Калі б мы не захавалі яе, то аднавіць не змаглі б, бо не маем такіх рэсурсаў, як суседзі.
Што да будучыні, то хацелася б, каб нарэшце сітуацыя наладзілася ва Украіне, у Расіі, і яны зноў змаглі ў ранейшых аб'ёмах закупаць нашу прадукцыю.
Валерый КОКАШ, член Пастаяннай камісіі па правах чалавека, нацыянальных адносінах і сродках масавай інфармацыі:
— Раскажу, як змянілася мая акруга, а гэта Смаргонскі і Астравецкі раёны. Калісьці ў вёсцы Солы на Смаргоншчыне была буйная фабрыка па вытворчасці індычынага мяса. Пасля яна прыйшла ў заняпад. Сёння ж гэта зноў адна з лепшых фабрык у вобласці.
Што да Астраўца, то там прайшла значная частка майго жыцця. Раней там жыло прыкладна шэсць тысяч чалавек, аднак горад будуецца, развіваецца — і ў хуткім часе колькасць жыхароў у ім перавысіць 30 тысяч. Паралельна будаўніцтву атамнай электрастанцыі развіваецца інфраструктура горада і раёна. Сёлета на будаўніцтва ў Астраўцы жылля, аб'ектаў культуры і быту выдзелены адзін трыльён трыста мільярдаў рублёў. У хуткім часе колькасць будаўнікоў у горадзе дасягне 9,5 тысячы, у будучыні ж на самой станцыі будуць працаваць 2,2 тысячы чалавек. З увядзеннем у эксплуатацыю абодвух блокаў АЭС — першага ў 2018-м, другога — у 2020 годзе дзяржава зможа сэканоміць на электраэнергіі прыкладна 1,8 мільярда долараў у год.
Міхаіл САВАНОВІЧ, член Пастаяннай камісіі Палаты прадстаўнікоў па міжнародных справах:
— Што хочацца адзначыць, дык гэта добраўпарадкаванне, рост нашых гарадоў. Нядаўна быў у Слуцку — дык яго не пазнаць: прыгожы, чысты і ўтульны горад. Што да Мінска, то ён таксама вельмі змяніўся, з'явілася шмат новых мікрараёнаў. Яшчэ не так даўно на Каменнай Горцы расла капуста — сёння гэта велізарны раён. На тым месцы, дзе цяпер знаходзіцца Нацыянальная бібліятэка, калісьці рос сад. Сёння ж там — новы мікрараён з бібліятэкай і комплексам «Маяк». Маскоўскі раён таксама разросся, акрамя Малінаўкі, там цяпер ёсць такія мікрараёны з новабудоўлямі, як Грушаўка, Міхалова, Брылевічы... Да непазнавальнасці змяніўся праспект Дзяржынскага.
Што да будучыні, то хутка цяперашні крызіс скончыцца. Улічваючы той факт, што мы захавалі нашы прадпрыемствы, праз пару гадоў усё пачне цудоўна развівацца, і наша краіна стане адной з найлепшых краін Еўропы.
Надзея ЮШКЕВІЧ
yushkevich@zviazda.by
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.