Вы тут

У плане — буйныя кантракты!


ХХ Беларускі энергетычны і экалагічны форум пройдзе ў Мінску з 13 па 16 кастрычніка. Па словах начальніка ўпраўлення энергаэфектыўнасці Міністэрства энергетыкі Міхаіла Малашэнкі, у гэтым годзе Беларускі энергетычны і экалагічны форум будзе ўключаць міжнародную спецыялізаваную выставу «Энергетыка. Экалогія. Энергазберажэнне. Электра» (ЕnеrgуЕхро) і энергетычны і экалагічны кангрэс. Удзельнікаў форуму чакае насычаная дзелавая праграма, якая аб'ядноўвае адразу 20 мерапрыемстваў.

Невыпадковым стала і тое, што форум пройдзе падчас 79-й Генеральнай асамблеі Міжнароднай электратэхнічнай камісіі. Як адзначыў сакратар нацыянальнага камітэта, дырэктар таварыства «Выпрабаванні і сертыфікацыя бытавой і прамысловай прадукцыі «БЕЛЛІС» Юрый Пашык, у гэтым годзе 20-ы энергетычны і экалагічны форум спецыяльна сумясцілі з працай Генеральнай асамблеі.

«Дзве гэтыя падзеі аб'ядноўваюць тэмы энергазберажэння, энергаэфектыўнасці і экалогіі. Таму на пляцоўках Генасамблеі будуць арганізаваны спецыяльныя форумы, дзе мы абмяркуем сучасныя тэхналогіі ў гэтых абласцях. Сюды можна аднесці напрамкі кшталту генерацыі энергіі на альтэрнатыўных крыніцах, захоўвання электраэнергіі, кіравання яе спажываннем. Не абыдзем увагай і пытанні абавязковых патрабаванняў у галіне энергаэфектыўнасці для прадукцыі, якая выкарыстоўваецца ў побыце, і парадак доступу яе на рынак ЕАЭС», — адзначыў Юрый Пашык.

Міністэрства энергетыкі падчас форуму разлічвае падпісаць некалькі пагадненняў аб супрацоўніцтве з замежнымі партнёрамі, у тым ліку ў сферы аднаўляльнай энергетыкі.

Як чакаецца, на выставе ЕnеrgуЕхро будуць прысутнічаць каля 300 арганізацый з 15 краін свету. Упершыню ў выставе прымуць удзел 32 інавацыйныя кампаніі з Кітая.

Выбар рэдакцыі

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».

Грамадства

Як працуюць сапёры?

Як працуюць сапёры?

Больш за ўсё «сюрпрызаў» з часоў Вялікай Айчыннай вайны было знойдзена ў Докшыцкім, Талачынскім, Асіповіцкім і Лагойскім раёнах.