01 снежня, аўторак

Вы тут

На памідорных плантацыях


Ужо не першы год заснавальнік сялянскай фермерскай гаспадаркі «Лінкоўшчына» Уладзімір Жабёнак вырошчвае ў адкрытым грунце памідоры. На пачатку верасня на яго зямельным участку пад вёскай Апанасёнкі заўсёды з'яўляюцца першыя пакупнікі-нарыхтоўшчыкі. А сезон працягваецца ўвесь верасень і кастрычнік, да самых маразоў. Сюды едуць не толькі жыхары свайго Мёрскага, але і суседніх — Браслаўскага, Верхнядзвінскага, Шаркаўшчынскага — раёнаў, нават з самога Віцебска.

21-30

Падчас камандзіроўкі мой маршрут пралягаў побач з гаспадаркай Уладзіміра Жабёнка, і я вырашыў заехаць і пацікавіцца, чым жыве адзін з вядомых фермераў азёрнага краю, як ідуць асеннія работы на яго палетках, якія віды гародніны больш падабаюцца і яму, і ягоным наведвальнікам. Пашанцавала! Убачыў адразу болей за дзесяць нарыхтоўшчыкаў на таматным агародзе. Але найперш узрадаваўся, што сам фермер быў на сваіх плантацыях, павёў на ўчастак, дзе расце капуста.

— Сёлетні год быў не самым спрыяльным для сялян, але мне ўсё-такі ўдалося давесці свой ураджай памідораў і капусты да прылаўка, да пакупнікоў, — кажа Уладзімір Жабёнак. — Недахоп летніх дажджоў і першы мароз у канцы верасня перакрэслілі планы, папсавалі частку ўраджаю, выпрабоўвалі цярпенне. Але гурманаў салодкіх і смачных памідораў маё поле дачакалася: людзі прыязджаюць, забіраюць і па дзесяць, і па дваццаць, і нават болей кілаграмаў гэтай вітаміннай гародніны.

21-23

На полі, дзе пад асеннім сонейкам яшчэ паспявала добрая частка ўраджаю, нарыхтоўшчыкі абіралі памідорныя гронкі. На градах стаялі кошыкі і кашы, вёдры, мяшкі і сумкі з таматамі.

— Я прыехала з Полацка і сваіх сяброў з Віцебска паклікала, — кажа Наталля Ляшкевіч. — Працую ў гандлёвай прадуктовай сетцы, але ў гэтага фермера памідоры і танныя, і нашмат смачнейшыя, яны нагадваюць памідоры з мамінага агарода.

Іду ў цэнтр памідорнага поля, знаёмлюся з нарыхтоўшчыкамі, фатаграфую, як яны асцярожна здымаюць гародніну і кладуць у тару. Франц Буко з Браслава і яго суседка Ганна Крумплеўская з сынам-першакласнікам Эдуардам за гадзіну з паловай сабралі вялізныя сумкі і вёдры. «Я буду рабіць закаткі і салат-леча, у дадатак вазьму два-тры качаны капусты, — кажа Ганна. — Частку памідораў адвязу маці ў Відзы».

21-25

Акрамя чырвоных, многія збіраюць і зялёныя таматы, тлумачаць, што, паляжаўшы, праз некаторы час памідоры саспеюць і будуць гэткімі ж смачнымі.

Анатоль КЛЯШЧУК, фота аўтара

Мёрскі раён.

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.