Вы тут

Ад «Школы юных» — да дысертацыі


Для таго, каб навучыцца плаваць, трэба ўвайсці ў ваду. А каб замахнуцца на кар'еру сур'ёзнага вучонага, пачынаць трэба з першага маленькага кроку... Днямі ў Нацыянальнай акадэміі навук быў дадзены ўрачысты старт новаму сумеснаму праекту Мінскага палаца дзяцей і моладзі, Савета маладых навукоўцаў і Інстытута падрыхтоўкі навуковых кадраў Нацыянальнай акадэміі навук — Школе юных даследчыкаў. Такі саюз трох структур склаўся невыпадкова, у кожнага — свае спадзяванні.

10-21

10-21

— Мы даўно марым пра стварэнне гарадскога навуковага таварыства школьнікаў, — прызнаецца загадчыца аддзела інтэлектуальнай творчасці Палаца дзяцей і моладзі Вікторыя ЮШЧАНКА. — А цяпер нашы мары набываюць рэальныя абрысы.

Школьнікаў, якія цікавяцца навукай, адбіралі педагогі сістэмы дадатковай адукацыі. У Палацы дзяцей і моладзі не першы год дзейнічаюць розныя навукова-тэхнічныя гурткі. Цяпер Акадэмія навук узяла іх пад сваю апеку.

— Прыцягнуць школьнікаў да навуковай дзейнасці і захапіць іх даследчай працай — толькі палова задачы. Проста папулярызаваць навуку недастаткова. Важна, каб тыя школьнікі, якія зараз наведваюць гурткі, што працуюць на базе інстытутаў акадэміі, не страцілі цікавасць да навукі і сваю матывацыю падчас вучобы ў ВНУ, каб яны вярталіся ў акадэмію ўжо ў якасці магістрантаў і аспірантаў і потым заставаліся тут працаваць, — падкрэслівае старшыня Савета маладых навукоўцаў Нацыянальнай акадэміі навук Андрэй ІВАНЕЦ. — Важна не страціць пераемнасць у нашай рабоце. Бо падчас вучобы ў ВНУ энтузіязм у маладых людзей знікае даволі хутка і ўжо прыкладна да трэцяга курса яны вырашаюць для сябе катэгарычна, што навукай займацца не будуць. Таму галоўнае — іх не ўпусціць.

Школа юных даследчыкаў — больш шырокая форма работы, чым проста наведванне заняткаў па тых ці іншых дысцыплінах. Падчас школьных канікул мы плануем правядзенне Дзён адчыненых дзвярэй з наведваннем акадэмічных інстытутаў, навукова-практычных цэнтраў, музеяў і экспазіцый. Таксама запланаваны сустрэчы школьнікаў з вядучымі беларускімі вучонымі.

Усяго будуць дзейнічаць 13 напрамкаў гурткоў: хімічны, археалагічны, біялагічны, фізічны і іншыя... Школьнікі падзелены на дзве ўзроставыя групы — восьмы і дзявяты класы, дзясяты і адзінаццаты. Курыраваць «пачаткоўцаў» будуць маладыя навукоўцы. «Іх асабісты прыклад — найлепшы сродак агітацыі за навуковую кар'еру», — усміхаецца Андрэй Іванец.

Тэарэтычныя заняткі будуць праходзіць у Інстытуце падрыхтоўкі навуковых кадраў, дзе навучаюцца і магістранты. Школьнікам паабяцалі, што калі іх зацікавіць нейкі спецкурс, які чытаюць магістрантам, то яны могуць спакойна далучацца да старэйшых...

— Кожнаму з вас дапамогуць пабудаваць уласную траекторыю развіцця. Вось так — крок за крокам — вы зможаце рэалізаваць сябе ў сценах акадэміі. Памятайце, што навуку рухае наперад моладзь, здольная захапіць сваімі ідэямі і павесці ўсіх за сабой, — падкрэслівае галоўны вучоны сакратар Акадэміі навук Аляксандр КІЛЬЧЭЎСКІ. — Спадзяёмся, што гэты этап будзе для вас добрай стартавай пляцоўкай для паступлення ў ВНУ, а потым вы прыйдзеце да нас пісаць сваю курсавую і дыпломную работы, кандыдацкую і доктарскую дысертацыі. Вам у акадэміі спадабаецца і захочацца тут працаваць. Першы крок у патрэбным кірунку вы ўжо зрабілі. І выбар ваш — правільны...

У снежні ў Нацыянальнай акадэміі навук у рамках першага Еўразійскага форуму маладых навукоўцаў пройдзе канферэнцыя маладых навукоўцаў. Адна з яе секцый называецца «Першы крок у навуку». Удзельнікаў Школ юных даследчыкаў запрасілі далучацца да канферэнцыі.

Надзея НІКАЛАЕВА

nіkalaeva@zvіazda.by

Фота Марыны БЕГУНКОВАЙ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.