Восень — гарачая пара на блакітнай ніве краіны. У апошнія гады рыбгасы павялічваюць вытворчасць сажалкавай рыбы, спрыяюць таму,каб багацейшым і здаравейшым быў стол нашых людзей. Адзін з найлепшых рыбгасаў рэспублікі, які паспяхова рэалізуе праграму развіцця, — «Лактышы» Ганцавіцкага раёна.
У прадпрыемства сёння звыш 2,5 тысячы гектараў сажалкавых плошчаў. Акрамя гэтага, у арэнду ўзята вадасховішча, якое забяспечвае выроставыя і нагульныя сажалкі вадой. Побач з традыцыйнымі для вадаёма відамі рыб: шчупаком, карасём, ляшчом — тут разводзяць карпа, таўсталобіка, белага амура. Сёлета з вадасховішча вылаўлена каля 12 тон рыбы пры плане 13,2 тоны.
А ўсяго ў «Лактышах» гэтай восенню здабылі звыш 500 тон таварнай рыбы. Аднак да канца года яшчэ далёка, і рыбацкі невад значна пацяжэе. Гэта значыць, што лактышоўцы стрымаюць дадзенае ў пачатку года слова і выканаюць ганаровы план — 650 тон таварнай прадукцыі і 126 тон рыбапасадачнага матэрыялу.
— У аснове поспеху, — падкрэслівае дырэктар рыбгаса «Лактышы» Сямён Шуст (на фота), — шмат фактаў. Гэта ўмацаванне матэрыяльна-тэхнічнай базы, укараненне найноўшых тэхналагічных працэсаў, гаспадарскае стаўленне да справы, у тым ліку ахова вадаёмаў і здабытага «ўраджаю».
[caption id="attachment_111476" align="alignnone" width="600"]
Вось такія карпы гадуюцца ў «Лактышах». Рыбавод Сяргей Савеня і майстар Аляксандр Фядосаў.
Аляксандр ШАБЛЮК. Фота аўтара
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.