У Маскве, у Дзелавым і культурным комплексе Саюзнай дзяржавы Беларусі і Расіі, пачаў сваю работу экспертна-медыйны форум-семінар «Вектары развіцця навуковага асяроддзя ў Саюзнай дзяржаве. Новыя ідэі і людзі». Нароўні з Пастаянным камітэтам Саюзнай дзяржавы арганізатарам гэтага творчага медыйнага праекта выступіла Міжнароднае інфармацыйнае агенцтва «Россия сегодня». Да ўдзелу ў форуме запрошаны вядомыя вучоныя, кіраўнікі СМІ і вядучыя аглядальнікі.
З вітальным словам да ўдзельнікаў дыскусій звярнуўся дзяржаўны сакратар Саюзнай дзяржавы Рыгор Рапота.
Сярод спікераў форуму — Надзвычайны і Паўнамоцны Пасол Рэспублікі Беларусь у Расійскай Федэрацыі Ігар Петрышэнка, сустаршыня Міжакадэмічнага савета па праблемах развіцця Саюзнай дзяржавы, акадэмік Нацыянальнай акадэміі навук Беларусі Пётр Віцязь, віцэ-прэзідэнт Расійскай акадэміі навук, акадэмік РАН Анатоль Грыгор'еў, намеснік кіраўніка Федэральнага агенцтва навуковых арганізацый Расійскай Федэрацыі Аляксей Лапацін. Работа форуму-семінара ідзе па секцыях: «Перспектывы развіцця прамысловасці Саюзнай дзяржавы на базе высокіх тэхналогій», «Сучасныя тэндэнцыі ў геннай інжынерыі», «Як прымусіць інавацыі працаваць?», «Брэнд «Прадукцыя Саюзнай дзяржавы» і іншых. Таксама адбудзецца «круглы стол» на тэму «Навуковая журналістыка: прафесіяналізм, дакладнасць, асаблівасці».
Кірыл ЛАДУЦЬКА,
г. Масква, Расійская Федэрацыя
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
