Субота


Субота. Назва гэтага дня паходзіць са старажытнаіўдзейскай мовы, у якой sabbat — заканчэнне справы, працы (шабаш). У славян з часоў распаўсюджвання хрысціянства ролю старазапаветнай суботы выконвала новазапаветная нядзеля — дзень уваскрэсення Ісуса Хрыста.

* Знаёмства са структурай беларускага народнага календара паказвае, што субота была днём незвычайным у плане сакральна-магічнага напаўнення: нашы продкі быццам бы па спецыяльным інфармацыйным канале дакраналіся да шматлікіх таямніц Сусвету, наладжвалі кантакты з душамі памерлых сваякоў, звярталіся да іх з просьбай аб добрым ураджаі ці шчаслівай долі маладых, якія бралі шлюб. З цягам часу ў народным календары на працягу ўсяго года з'явіліся адпаведныя суботы, якія лічацца днямі памяці і ўшанавання продкаў і называюцца «Дзяды», ці «Радзіцельскія суботы». Менавіта таму ў гэты дзень тыдня не праводзяць вянчанне ў праваслаўных храмах.

* У славянскай народнай традыцыі субота лічыцца жаночым днём, якому адпавядае лік 6; ставіліся да яе як да добрага, «лёгкага», спрыяльнага дня, можа, таму, што наперадзе яшчэ адзін дзень адпачынку.

* Субота лічыцца спрыяльным днём для ад'езду ў далёкі шлях. У той жа час народная традыцыя папярэджвала: не пачынайце ў суботу адказныя справы, асабліва будаўніцтва — нічога ладнага не атрымаецца. У гэты дзень можна было толькі закласці падмурак новай хаты. У суботу звычайна прыбіралі ў хаце, на гаспадарчым падворку.

* Нашы продкі былі перакананы: калі дзіця нарадзілася ў суботу, яно будзе лекарам, знахарам, а таксама будзе лёгка «наладжваць сувязі» з членамі сваёй сям'і і ўсяго роду.

Янка КРУК і Аксана КАТОВІЧ

Выбар рэдакцыі

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў».

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.