Для таго, каб забяспечыць далейшы ўдзел у Лізе чэмпіёнаў ці ў Лізе Еўропы, нашай камандзе абавязкова трэба было ў апошнім туры групавой стадыі ў гасцях перамагаць «Рому».
Задача, безумоўна, складаная, але далёка не невырашальная.
І матч атрымаўся звышнапружаным. Беларусы дзейнічалі сапраўды добра. Выдатна згуляў Сяргей Чэрнік, варатар БАТЭ, востра ў атацы глядзеўся Ігар Стасевіч. Быў у беларусаў стапрацэнтны момант, і калі б Міхаіл Гардзяйчук яго рэалізаваў, быць бы ў Барысаве еўракубкавай вясне. Матч у Рыме завяршыўся нічыйным лікам — 0:0. Разам з «Барселонай» яна працягне барацьбу за лігачэмпіёнскі кубак. Беларускі клуб з 5-баламі заняў чацвёрты радок у квартэце «Е».
— Гэты момант (удар Гардзейчука. — Аўт.) нам будзе доўга сніцца, — кажа Аляксандар Ермаковіч, галоўны трэнер БАТЭ. — У нас была надзея, але яна памерла. Аднак пры гэтым хачу сказаць, каманда дзейнічала выдатна. Хлопцы малайцы.
Тарас ШЧЫРЫ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.