Вы тут

Прабіцца з «групы смерці»


...у фінал чэмпіянату свету па праграмаванні сярод студэнтаў ACM ІCPC здолелі дзве беларускія каманды.


Каманда БДУІР — у фінале чэмпіяната свету.

Усяго ў паўфінальных спаборніцтвах Паўночна-Усходняга Еўрапейскага рэгіёна ўдзельнічалі каля 230 камандаў з Беларусі, Расіі, Латвіі, Літвы, Эстоніі, Казахстана, Грузіі, Арменіі, Азербайджана, Кыргызстана, Туркменістана і Узбекістана, якія змагаліся за 12 пуцёвак у заключную частку спаборніцтваў.

Менавіта гэты паўфінал называюць «групай смерці», таму што ў ім выступаюць самыя моцныя студэнцкія каманды праграмістаў, у тым ліку і неаднаразовыя абсалютныя пераможцы чэмпіянату свету — студэнты Санкт-Пецярбургскага ўніверсітэта ІТМО. Спаборніцтвы праводзіліся адначасова ў рэжыме рэальнага часу ў Санкт-Пецярбургу, Барнауле, Ташкенце і Тбілісі з агульнай табліцай вынікаў.

Згодна з правіламі, у фінал можа прайсці ад універсітэта толькі адна каманда, якая паказала найлепшы вынік. Таму канкурыруюць паміж сабой у тым ліку і студэнты адной ВНУ. Беларусь у Санкт-Пецярбургу прадстаўлялі 10 камандаў: ад БДУ выступалі чатыры каманды, тры каманды — ад БДУІР і па адной — ад Гомельскага дзяржаўнага ўніверсітэта імя Ф. Скарыны, Брэсцкага дзяржаўнага тэхнічнага ўніверсітэта і Гродзенскага дзяржаўнага ўніверсітэта імя Я. Купалы.

Па выніках паўфіналу каманда студэнтаў факультэта камп'ютарных сістэм і сетак БДУІР Belarusіan SUІR #2 у складзе Андрэя Воўчака, Андрэя Собаля і Аляксея Вісцяжа заваявала права прадстаўляць Беларусь у фінале самых прэстыжных спаборніцтваў па праграмаванні. Хлопцы рашылі 9 задач, занялі 7-е абсалютнае месца, атрымалі дыплом першай ступені, а з ім і выхад у фінал. У Тайландзе выступіць яшчэ адна беларуская каманда — студэнтаў факультэта прыкладной матэматыкі і інфарматыкі БДУ. За яе выступаюць Канстанцін Сокал, Аляксей Паліевец і Павел Шафцялевіч. Каманда Белдзяржуніверсітэта заваявала ў паўфінале дыплом 2-й ступені. На яе рахунку 8 рэшаных задач з 12 прапанаваных. Па выніках спаборніцтваў у фінал прабіліся 10 камандаў ад расійскіх ВНУ і дзве — ад беларускіх.

Надзея НІКАЛАЕВА

nіkalaeva@zvіazda.by

Выбар рэдакцыі

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне. 

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».