26 Верасень, серада

Вы тут

Андрэй Кабякоў прызначаны прэм'ер-міністрам


Учора Аляксандр Лукашэнка падпісаў указ № 488 аб назначэнні прэм'ер-міністра. 17-42 У адпаведнасці з пунктам 6 артыкула 84 Канстытуцыі на гэтую пасаду прызначаны Андрэй Кабякоў з наступным узгадненнем гэтага з Палатай прадстаўнікоў Нацыянальнага сходу. Андрэй Уладзіміравіч Кабякоў нарадзіўся ў 1960 годзе ў г. Маскве. У 1983 годзе скончыў Маскоўскі авіяцыйны інстытут, у 1991 годзе — Беларускі дзяржаўны інстытут народнай гаспадаркі імя В.У. Куйбышава і Інстытут паліталогіі і сацыяльнага кіравання КПБ. Працоўную дзейнасць пачаў майстрам механазборачнага цэха на заводзе імя С.І. Вавілава ў Мінску. В 1985-1988 гадах працаваў на заводзе «Дыяпраектар» у г. Рагачове, у 1988-1989 гадах — інструктар Рагачоўскага гаркама КПБ. У 1991-1995 гадах — начальнік планава-эканамічнага аддзела, намеснік дырэктара па эканоміцы — начальнік планава-эканамічнага аддзела завода «Дыяпраектар». У 1995-1996 гадах — намеснік начальніка Службы кантролю Прэзідэнта Рэспублікі Беларусь. У 1996-1998 гадах — намеснік старшыні Камітэта дзяржаўнага кантролю Беларусі. З чэрвеня 1998 года — прэзідэнт Беларускага дзяржаўнага канцэрна па вытворчасці і рэалізацыі тавараў лёгкай прамысловасці. У 1998-2000 гадах — старшыня Камітэта дзяржаўнага кантролю. З 2000 года — першы намеснік прэм'ер-міністра, з 2001 года — намеснік прэм'ер-міністра. У 2002-2003 гадах — намеснік прэм'ер-міністра — міністр эканомікі. У 2003-2010 гадах — намеснік прэм'ер-міністра Беларусі. У 2010-2011 гадах — намеснік кіраўніка Адміністрацыі Прэзідэнта Беларусі. У 2011-2012 гадах — Надзвычайны і Паўнамоцны Пасол Рэспублікі Беларусь у Расійскай Федэрацыі, пастаянны прадстаўнік Беларусі пры Еўразійскім эканамічным супольніцтве па сумяшчальніцтве. У 2012-2014 гадах — кіраўнік Адміністрацыі Прэзідэнта Беларусі. Са снежня 2014 года — прэм'ер-міністр Беларусі.

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.