Самай цікавай для беларусаў тэмай стаў чэмпіянат свету па хакі — 2015. Другое месца засталося за іншым міжнародным конкурсам — «Еўрабачаннем-2015». Астатнія месцы ў дзясятцы займаюць у асноўным фільмы і серыялы, гутарка пра якія пойдзе ніжэй. На апошнім месцы знаходзяцца курсы валют у Беларусі.
Найбольш папулярнымі персонамі для беларусаў сталі прадстаўнікі іншых краін. На першым і другім месцах — расійскія спявачкі: памерлая Жанна Фрыске і прадстаўніца Расіі на тым самым «Еўрабачанні» Паліна Гагарына. Першы ў спісе беларус замыкае тройку — гэта тэлевядучы Дзмітрый Шэпелеў. Беларуская ўладальніца Нобелеўскай прэміі Святлана Алексіевіч ідзе на чацвёртым месцы.
Пошукавік сцвярджае, што самым папулярным поўнаметражным фільмам стаў «Фарсаж-7». Адразу за ім — нашумелая карціна расійскага рэжысёра Андрэя Звягінцава «Левіяфан». «Бронзавы медаль» — у «Бітвы за Севастопаль». Астатнія кінастужкі — пераважна галівудскія: «50 адценняў шэрага», «Марсіянін», «Шалёны Макс», «Міньёны» і іншыя. Сярод серыялаў лідарства ўтрымліваюць расійскія «Кухня», «Закон каменных джунгляў» і «Рэальныя пацаны».
У спісе пакупак беларусаў сёлета самая папулярная рэч — бустар (варыянт дзіцячага аўтакрэсла). Не супраць нашы суайчыннікі і адпачыць у непасрэднай блізасці ад сталіцы — на другім месцы лецішча пад Мінскам. Ну а дабрацца на дачу дапаможа аўтамабіль, ён на трэцім радку. Акрамя гэтага, мы шукалі ў сеціве сабак пароды чыхуахуа, смартфон іPhone 6, рыбак, дзіцячыя ровары, шыны і садовыя арэлі.
Яраслаў ЛЫСКАВЕЦ
lyskavets@zvіazda.by
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
