Жыхары вёскі Жмурное ў Лельчыцкім раёне будуюць капліцу з прыгожай чырвонай цэглы. Гэтая будоўля стала справай гонару для мясцовых жыхароў.
Да Вялікай Айчыннай вайны тут быў невялікі храм, аднак, як і многія культавыя збудаванні, яго адвялі пад краму. Крама хутка згарэла, а пра існаванне царквы нагадвала толькі цудам ацалелае дрэва, на якім калісьці вісеў звон. Ініцыятарамі аднаўлення хрысціянскай святыні стала сям'я Ніны і Мікалая Касінскіх, якія страцілі свайго сына. На іх заклік адгукнуліся не толькі аднавяскоўцы, але і выхадцы з тутэйшых мясцін. На першыя ахвяраванні заклалі падмурак, а з верасня мінулага года пачаліся інтэнсіўныя работы. Агульная справа згуртавала аднавяскоўцаў. Нават самыя пажылыя жыхары Жмурнога, нягледзячы на свой узрост, дапамагаюць у будаўніцтве не толькі грашыма, але і фізічна. Некаторыя робяць адлічэнні на будаўніцтва з кожнай пенсіі. Работы набліжаюцца да завяршэння, і асвячэнне новай капліцы плануецца на пачатак лютага 2016 года.
Ірына АСТАШКЕВІЧ
іost@zvіazda.by
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
