Вы тут

Выкананне жаданняў


Падарункі і ласункі, спектаклі і канцэрты, дабрыню і шчырасць дораць дзецям па ўсёй Беларусі прадстаўнікі розных міністэрстваў і грамадскіх аб'яднанняў у межах дабрачыннай акцыі «Нашы дзеці», якая ўжо 20-ты раз напаўняе жыццё цудамі, дзівосамі і ўсмешкамі.

23-52

Найбольш стараюцца парадаваць тых, каму дабрыня, падарункі, салодкія пачастункі і шчырыя словы патрэбны больш за іншых, тых, хто па пэўных прычынах застаўся без бацькоўскага клопату. І асабліва радасна, калі дзяцей віншуюць самі дзеці.

Мерапрыемствы дабрачыннай акцыі «Цуд на Каляды», распачатай членамі Беларускай рэспубліканскай піянерскай арганізацыі (БРПА) на пачатку снежня, адбываюцца ў самых розных месцах. Гэта спектаклі, тэатралізаваныя шоу, канцэрты і проста наведванні сацыяльных устаноў з падарункамі.

Усяго намаганнямі больш як 632 тысяч піянераў па ўсёй краіне будзе арганізавана больш за 2000 розных мерапрыемстваў. Да добрай справы далучаюцца буйныя магазіны і ўнівермагі, якія за свае ахвяраванні ў знак падзякі атрымаюць ад піянераў рукавічку з эмблемамі арганізацыі.

На днях юныя артысты тэатральнага аддзялення школы №27, члены БРСМ і БРПА, паказалі дзеткам з дамоў сямейнага тыпу і прыёмных сем'яў спектакль «Чароўная ноч», дзе Дзед Мароз трапіў у летнюю казку і шукаў у лесе папараць-кветку. Пасля імпрэзы акцёры сустрэліся са сваімі гледачамі за салодкім сталом, а потым наведалі выстаўку «Зімняя феерыя», створаную з работ вучняў.

— Нашай моладзі цікава ўдзельнічаць у добрых справах не з-за «піяру», а таму, што сваімі добрымі учынкамі яны робяць камусьці лепш. Мы зацікаўлены, каб у спектаклі для дзяцей ігралі дзеці — гэта лепш успрымаецца і запамінаецца, — адзначыла старшыня БРПА Вікторыя МЯНАНАВА.

Ірына СІДАРОК, фота аўтара.

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.

Грамадства

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Летась у Мінскай вобласці адлавілі больш за пяць тысяч бадзяжных жывёл, толькі 203 з іх знайшлі свой дом. Толькі ўявіце сабе, як лічбы адлову павялічваюцца ў маштабах усёй краіны!