Вы тут

Мсціслаў пачынае ператварацца ў горад-музей


У наступным годзе Мсціслаў стане сталіцай абласнога фестывалю-кірмашу «Дажынкі» і збіраецца сустрэць гасцей ва ўсёй сваёй прыгажосці. Ужо існуе 3D-праект, дзе можна ўбачыць, якія яго чакаюць перамены.

23-45

Цэнтральная плошча будзе рэканструявана, на ёй з'явіцца каланада, у парку — бялюткая ратонда і невялікі фантан. Вуліцы і тратуары апрануцца ў сучаснае асфальтабетоннае пакрыццё, а ў гістарычным цэнтры будзе брукаванка. Адновяцца фасады, другое жыццё набудуць аб'екты ХVІІІ — пачатку ХХ стагоддзя — Троіцкая царква і будынак былой мужчынскай гімназіі. Мсціслаў упрыгожыць Палац шлюбаў і ўрачыстасцяў, пад які плануецца рэканструяваць былы кінатэатр «Мір». І зусім не пазнаць будзе Замкавую гару. Тут плануюць пабудаваць вежу-данжон, накрыць музеефікаваны раскоп, зрабіць рысталішча для конных баёў і крапасную сцяну ў стылі ХІІ стагоддзя.

— Усё залежыць ад кожнага жыхара нашага горада, ад яго ўдзелу,— кажа старшыня Мсціслаўскага райсавета дэпутатаў Святаслаў Кусаў. — Без гэтага ніякае фінансаванне не дапаможа. У сілах кожнага навесці парадак вакол свайго дома, прыватнага або шматкватэрнага. Нядаўна адбылося пасяджэнне раённай камісіі па эканоміцы з удзелам старшых па доме, дзе падымалася пытанне па добраўпарадкаванні горада. Людзі не супраць прыняць долевы ўдзел у рамонце, каб зрабіць ля свайго шматпавярховіка стаянку для аўтамабіляў, прыгожую дзіцячую пляцоўку. Дагэтуль такіх прыкладаў у нас не было. А тое, што датычыцца аднаўлення гістарычных аб'ектаў, гэта наогул справа гонару. Мы павінны іх захаваць і перадаць нашчадкам. Жыхары горада падтрымалі стварэнне фонду па аднаўленні гістарычных помнікаў. Спадзяёмся, што ўбаку не застануцца і ўсе тыя, хто зацікаўлены ў захаванні славутасцяў Беларусі.

Нэлі ЗІГУЛЯ, фота аўтара.

Выбар рэдакцыі

Грамадства

Псiхолаг тлумачыць, чаму паўза пасля заканчэння школы — не трагедыя

Псiхолаг тлумачыць, чаму паўза пасля заканчэння школы — не трагедыя

Педагогi, як i бацькi, павiнны быць уважлiвыя да любой праявы адоранасцi.

Эканоміка

Як вылечыць эканомiку ад каранакрызiсу?

Як вылечыць эканомiку ад каранакрызiсу?

Нягледзячы на тое што сучасны свет перажываў досыць шмат эканамiчных крызiсаў, той, што разгортваецца ў 2020 годзе, — унiкальны. 

Грамадства

Маладая актрыса Iрына Якавец: Нецiкавых роляў не iснуе

Маладая актрыса Iрына Якавец: Нецiкавых роляў не iснуе

Першым спектаклем, у якiм я ўзяла ўдзел, быў «Вясёлы Роджэр».

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт.